ఈపూరుపాలెం లో ఆరేళ్ల బాలికపై వృద్ధుడి అత్యాచారయత్నం
Andhra Pradesh Telugu | Suryaa Desk | Published : Thu, Mar 02, 2023, 12:46 PM
బాపట్ల జిల్లా చీరాల మండలం ఈపూరుపాలెంలో బుధవారం సాయంత్రం అమానుష ఘటన చోటుచేసుకుంది. కామపిశాచిగా మారిన ఓ 70 ఏళ్లవృద్ధుడు ఆరేళ్ల బాలికపై అత్యాచారయత్నం చేశాడు. ఈ ఘటనపై బుధవారం రాత్రి పొద్దుపోయాక అందిన ఫిర్యాదు మేరకు ఈపూరుపాలెం ఎస్సై జనార్ధన్ నిందితుడి పై కేసు నమోదు చేశారు. ఎస్ఐ జనార్ధన్ కథనం ప్రకారం ఈపూరుపాలెం పురుగులపేటలో నివసించే బాలికను అదే ప్రాంతానికి చెందిన 70 ఏళ్ల పిల్లలమర్రి చిన్న కొండయ్య చాక్లెట్ కొనిస్తానని ఆశ చూపి పక్కనే ఉన్న స్కూల్లోకి తీసుకెళ్లి అత్యాచారయత్నం చేశాడు. అదే సమయంలో అటుగా ఎవరో రావడంతో ఆ బాలికను ఇంకో గదిలోకి తీసుకెళ్లి మళ్ళీ అత్యాచారం చేశాడు. ఈ లోగా స్కూల్ పిల్లలు లోన ఏదో జరుగుతుందని గ్రహించి అరుపులు వేయడంతో ఇరుగుపొరుగు వచ్చేశారు. వారిని చూసి కొండయ్య గోడ దూకి పరారయ్యాడు. విషయం తెలుసుకున్న బాలిక తండ్రి చేసిన ఫిర్యాదు ఆధారంగా కేసు నమోదు చేసి నిందితుడి కోసం గాలిస్తున్నామని జనార్ధన్ చెప్పారు.
|
|