వాలంటీర్లను ఎన్నికలకు దూరంగా పెట్టండి,,,కలెక్టర్లకు ఎన్నికల సంఘం కీలక ఆదేశాలు
Andhra Pradesh Telugu | Suryaa Desk | Published : Sat, Mar 04, 2023, 08:20 PM
ఎమ్మెల్సీ వాలంటీర్లను ఎన్నికలకు దూరంగా పెట్టండి అని ఏపీలోని జిల్లా కలెక్టర్లకు ఎన్నికల సంఘం కీలక ఆదేశాలు జారీ చేసింది. ఏపీలో ఎమ్మెల్సీ ఎన్నికల హడావిడి కనిపిస్తోంది. ఈ నెల 13న పోలింగ్ జరగనుండటంతో పార్టీల అభ్యర్థులు ప్రచారంలో దూకుడు పెంచారు. అయితే గ్రామ, వార్డు వాలంటీర్లను ఎన్నికలకు సంబంధించిన అన్ని రకాల కార్యకలాపాలు, విధులకు దూరంగా ఉంచాలని కేంద్రం ఎన్నికల సంఘం ఆదేశించింది. ఎన్నికల విషయంలో వాలంటీర్లపై వచ్చే ఫిర్యాదులపై విచారణ జరిపి తగిన చర్యలు తీసుకోవాలని అన్ని జిల్లాల కలెక్టర్లకు ఆదేశాలు ఇచ్చారు.
ఏపీ ప్రభుత్వం వాలంటీర్ల వ్యవస్థను దుర్వినియోగం చేస్తోందని పలువురు ఎన్నికల సంఘానికి ఫిర్యాదు చేశారు. అధికార పార్టీకి అనుకూలంగా ఎన్నికలకు సంబంధించిన అన్ని రకాల కార్యకలాపాల్లో వారు పాల్గొంటున్నారని ఆరోపించారు. ఇటీవల ఎన్నికల సంఘానికి వరుసగా ఫిర్యాదులు రావడంతో రాష్ట్ర ప్రధాన ఎన్నికల అధికారి ముఖేష్కుమార్ మీనా మరోసారి ఆదేశాలు జారీ చేశారు. గతంలో ఇదే తరహా ఆదేశాలు జారీ చేశామని కూడా గుర్తు చేశారు.
|
|