ఏపీకి పెట్టుబడులు వినాయకుని అనుగ్రహమే..స్వరూపానందేంద్ర స్వామి కీలక
Andhra Pradesh Telugu | Suryaa Desk | Published : Sun, Mar 05, 2023, 08:13 PM
ఏపీలోని పెట్టుబడులపై స్వరూపానందేంద్ర స్వామి కీలక వ్యాఖ్యలు చేశారు. యావత్ భారతదేశంలో ఇతర రాష్ట్రాలకు రాని పెట్టుబడులు.. ఆంధ్రప్రదేశ్ రాష్ట్రానికి మాత్రమే వచ్చాయంటే.. అది కాణిపాకం వరసిద్ధి వినాయకుని అనుగ్రహమేనని.. విశాఖ శ్రీశారదా పీఠాధిపతులు స్వరూపానందేంద్ర స్వామి అన్నారు. కాణిపాకంలో మూడు రోజులపాటు నిర్వహించిన లక్ష మోదక లక్ష్మీ గణపతి హవనం పూర్ణాహుతిలో.. స్వరూపానందేంద్ర, స్వాత్మానందేంద్ర పాల్గొన్నారు. ఈ సందర్భంగా స్వరూపానందేంద్ర స్వామి మాట్లాడుతూ.. కీలక వ్యాఖ్యలు చేశారు.
'లక్ష మోదక హవనం ఫలితం సిద్ధించిందని చెప్పడానికి.. ఏపీకి వచ్చిన 13లక్షల కోట్ల రూపాయల పెట్టుబడులే నిదర్శనం. యజ్ఞ యాగాదుల ఫలితాలను ప్రశ్నించే హేతువాదుల మనోభావాలు దెబ్బతినేలా.. లక్ష మోదక హవనం ఫలించింది. ఇటువంటి వైదిక కార్యక్రమాలను చేపట్టడం ద్వారా రాష్ట్రం మరింత పురోభివృద్ధి చెందుతుంది. ప్రారంభం నుంచి పూర్ణాహుతి వరకు కాణిపాకంలోనే ఉండి లక్ష మోదక హవనాన్ని పర్యవేక్షించడం ఆనందంగా ఉంది' అని స్వరూపానందేంద్ర స్వామి వ్యాఖ్యానించారు.
|
|