జగన్ చెంపఛెళ్లుమనిపించేలా సమాధానం ఇచ్చారు: బాలినేని శ్రీనివాసరెడ్డి
Andhra Pradesh Telugu | Suryaa Desk | Published : Sun, Mar 05, 2023, 08:14 PM
విశాఖ సమ్మిట్‌తో సీఎం జగన్ చెంపఛెళ్లుమనిపించేలా సమాధానం ఇచ్చారని ఒంగోలు వైఎస్సార్ కాంగ్రెస్ పార్టీ ఎమ్మెల్యే, మాజీ మంత్రి బాలినేని శ్రీనివాసరెడ్డి పేర్కొన్నారు. ఆంధ్రప్రదేశ్ రాష్ట్రాన్ని దేశంలోనే అగ్రగామిగా నిలబెట్టేందుకు ముఖ్యమంత్రి వైఎస్ జగన్మోహన్ రెడ్డి కృషి చేస్తున్నారని ఆయన పేర్కొన్నారు. సీఎం జగన్ ఓ విజన్‌తో ముందుకు వెళ్లే నాయకుడన్నారు. విశాఖపట్నంలో నిర్వహించిన గ్లోబల్ ఇన్వెస్టర్స్ సమ్మిట్‌తో.. దేశం మొత్తం ఆంధ్రప్రదేశ్ వైపు చూస్తోందన్నారు. ఏపీలో పెట్టుబడి పెట్టేవాళ్లు లేరని ప్రచారం చేసేవారికి..
ఆంధ్రప్రదేశ్‌లో రూ.13.5 లక్షల కోట్ల పెట్టుబడులు పెట్టేందుకు పారిశ్రామికవేత్తలు ముందుకొచ్చారని బాలినేని శ్రీనివాసరెడ్డి అన్నారు. ముకేష్ అంబానీ లాంటి బడా వ్యాపారవేత్తలు.. ముందుండి విశాఖ సమ్మిట్‌ను విజయవంతం చేశారన్నారు. ఈ పెట్టుబడుల వల్ల రాష్ట్రం లక్షలాది మంది నిరుద్యోగులకు ఉద్యోగ అవకాశాలు వచ్చే అవకాశం ఉందని పేర్కొన్నారు.
విశాఖ ఇన్వెస్టర్స్ సదస్సుపై అవాక్కులు పేలుతున్న వారు.. గత తెలుగు దేశం పార్టీ ప్రభుత్వ హయాంలో ఎన్ని పరిశ్రమలు తీసుకొచ్చారో సమాధానం చెప్పాలని బాలినేని అన్నారు. ప్రజలకు మంచి జరగాలనే ఉద్దేశంతోనే విశాఖపట్నంను రాజధానిగా ఎంపిక చేసినట్లు తెలిపారు. ఇప్పటికే అభివృద్ధి చెందిన నగరాన్ని మరింత వేగంగా డెవలప్ చేయవచ్చన్నారు. అమరావతి లాంటి ప్రాంతం అభివృద్ధి చేయాలంటే.. లక్షల కోట్ల రూపాయిలు కావాలన్నారు. రాజధాని విషయంలో సీఎం జగన్ తీసుకున్న నిర్ణయం సరైనదేనని ప్రజలకు అర్థమైందని చెప్పారు.
|
|