ట్రెండింగ్
శిల్పారామంలో సాంస్కృతిక కార్యక్రమాలు
Andhra Pradesh Telugu | Suryaa Desk | Published : Mon, Mar 06, 2023, 12:26 PM
పులివెందుల పట్టణంలోని స్థానిక శిల్పారామంలో ఆదివారం ఆటవిడుపు కార్యక్రమంలో భాగంగా సాంస్కృతి ప్రదర్శనలు నిర్వహించారు. శిల్పారామం పరిపాలన అధికారి సుధాకర్ ఆధ్వర్యంలో సందర్శకుల ఆనందానికి ఆటవిడుపు కార్యక్రమాలను నిర్వహించారు. ఇందులో భాగంగా హైకోర్టు డాక్టర్ జి. రవీంద్ర నాథ్ శర్మ సౌజన్యంతో కడప ఎస్ఎస్ఎల్ డాన్స్ స్టూడియో మాస్టర్ సింహ వారి చిన్నారులతో నిర్వహించిన జానపదం, వెస్టన్ నృత్య ప్రదర్శనలు ప్రత్యేకంగా ఆకట్టుకున్నాయి. బుట్ట బొమ్మా బుట్ట బొమ్మా అంటూ సాగే పాటతో మొదలై చిన్నారులు నృత్యాలు ఆహుతులను ఆకట్టుకున్నాయి. సందర్శకులకు ఈ ప్రదర్శనలు ప్రత్యేకంగా ఆకర్షణంగా నిలిచాయి. ఈ కార్యక్రమంలో శిల్పారామం సిబ్బంది, తల్లిదండ్రులు, పిల్లలు పాల్గొన్నారు.
|
|