రోడ్డు ప్రమాద బాధిత కుటుంబానికి రూ. 1. 5 లక్షలు అందజేత
Andhra Pradesh Telugu | Suryaa Desk | Published : Tue, Mar 07, 2023, 11:48 AM
కళ్యాణదుర్గం మండలం బోరంపల్లి సమీపంలో గత నెలలో జరిగిన రోడ్డు ప్రమాద బాధిత కుటుంబానికి కళ్యాణదుర్గం నియోజకవర్గ తెదేపా ఇంచార్జ్ మాదినేని ఉమామహేశ్వర నాయుడు మీడియా మిత్రులు, గ్రామస్తుల సహకారంతో మంగళవారం ఎమ్మెల్సీ అభ్యర్థి రాంభూపాల్ రెడ్డి తరఫున రూ. 1. 5 లక్షలు ఆయన భార్య షేక్ మున్నీ కి అందజేశారు. గత నెలలో గోల్ల గ్రామానికి మోటార్ సైకిల్ బయలుదేరుతుండగా పశ్చిమ రాయలసీమ పట్టభద్రుల తెదేపా ఎమ్మెల్సీ అభ్యర్థి కుమారుని కారు ఢీకొనడంతో తీవ్రంగా గాయపడి ఆసుపత్రి పాలైన సంగతి తెలిసిందే. ఈ నేపథ్యంలో బాధిత కుటుంబం ఆసుపత్రికి అయినా ఖర్చు విషయం ఇంచార్జ్ ఉమా మహేశ్వర నాయుడు స్థానిక తెదేపా నాయకులు మీడియా బృందం, గ్రామస్తులతో కలిసి రామ్ భూపాల్ రెడ్డి దృష్టికి తీసుకెళ్లగా ఆయన అనుకూలంగా స్పందించి ఆ మొత్తాన్ని అందించమని తెలుపగా కళ్యాణదుర్గం నియోజక వర్గ ఇంచార్జ్ అందరి సమక్షంలో ఈ మొత్తాన్ని బాధిత కుటుంబానికి అందించారు. ఈ కార్యక్రమంలో మార్కెట్ యార్డ్ మాజీ చైర్మన్ దొడగట్ట నారాయణ, జిల్లా అధికార ప్రతినిధి రామరాజు, జిల్లా కార్యదర్శి సత్యప్ప, బ్రహ్మసముద్రం మండల పార్టీ కన్వీనర్ శ్రీరాములు, కుందిర్పి మండల పార్టీ కన్వీనర్ దనుంజయ, గోళ్ల ఎంపీటీసీ ఓబయ్య, కామక్కపల్లి నాగరాజు, రామదాసు , బ్రిజేష్ తదితరులు పాల్గొన్నారు.
|
|