ముస్లింలకు రిజర్వేషన్లు కల్పించాలి: నారా లోకేశ్

ముస్లీం లు అన్నీ విధాలా అభివృద్ది చెందేలా రిజర్వేషన్లు కల్పించాలని టీడీపీ జాతీయ ప్రధాన కార్యదర్శి నారా లోకేశ్ కోరారు. పీలేరులోని ఇందిరమ్మనగర్ విడిది కేంద్రం దగ్గర ముస్లీం ప్రతినిధులతో నిర్వహించిన ముఖాముఖి కార్యక్రమంలో లోకేష్ పాల్గొన్నారు. జగన్ ఇస్లామిక్ బ్యాంక్ ఏర్పాటు చేస్తానని హామీ ఇచ్చి మోసం చేశారని..  బీజేపీతో పొత్తులో ఉన్నప్పుడు కూడా టీడీపీ ప్రభుత్వం లో ఏనాడూ మైనార్టీ సోదరులపై దాడులు జరగలేదు.. మైనార్టీలను ఇబ్బంది పెట్టలేదన్నారు. మైనార్టీల్లో పేదరికం ఉండకూడదు అనే లక్ష్యంతో టీడీపీ మైనార్టీ కార్పొరేషన్ ఏర్పాటు చేసిందన్నారు.

జగన్ ప్రభుత్వం వచ్చిన తరువాత మైనార్టీ కార్పొరేషన్ ని నిర్వీర్యం చేశారపి ధ్వజమెత్తారు. ముస్లీంలకు రంజాన్ తోఫా, దుల్హన్, విదేశీ విద్య లాంటి పథకాలు అమలు చేసింది టీడీపీ ప్రభుత్వం.. మసీదులు, ఈద్గా ల అభివృద్ది కి నిధులు కేటాయించారన్నారు.

షాదిఖానా లు ఏర్పాటు చేశామని.. ఖబర్ స్తాన్ లు అభివృద్ది చేసి మౌలిక వసతులు కల్పించామన్నారు. ఇమామ్ లు, మౌజామ్లకు గౌరవ వేతనం ఇచ్చామని.. ఉర్దూ యునివర్సిటీ ఏర్పాటు చేశామన్నారు.

హజ్ హౌస్ లు నిర్మాణం.. హజ్ యాత్రకు ప్రభుత్వం నుంచి సహాయం కూడా అందించామన్నారు. జగన్ ఇస్లామిక్ బ్యాంక్ ఏర్పాటు చేస్తానని మోసం చేశారని.. ఉప మఖ్యమంత్రిగా అంజాద్ బాషా ఉండి కూడా మైనార్టీలకు న్యాయం జరగలేదన్నారు. జగన్ రంజాన్ తోఫా, దుల్హన్, విదేశీ విద్య లాంటి పథకాలు రద్దు చేశారని విమర్శించారు. మసీదులు, ఈద్గా ల అభివృద్ది కి వైసిపి ప్రభుత్వం ఒక్క రూపాయి కూడా కేటాయించలేదన్నారు.

ఖబర్ స్తాన్ ల అభివృద్ది కి, మౌలిక వసతుల కల్పన కు నిధులు కేటాయించడం లేదన్నారు లోకేష్. మైనార్టీ కార్పొరేషన్ ద్వారా ఒక్క లోన్ ఇవ్వలేదని.. జగన్ పాలనలో మైనార్టీల పై దాడులు విపరీతంగా పెరిగిపోయాయన్నారు. అబ్దుల్ సలాం ని వేధించి కుటుంబం తో కలిసి ఆత్మహత్య చేసుకునేలా చేశారని.. మసీదు ఆస్తులు కాపాడుకోవడానికి పోరాడిన ఇబ్రహీం ని నడి రోడ్డు మీద చంపేశారన్నారు.

హజీరా అనే ముస్లిం యువతిని అత్యాచారం చేసి చంపేశారని.. ఏళ్ళు గడుస్తున్నా ఆమె కుటుంబానికి న్యాయం జరగలేదన్నారు.

పలమనేరు కి చెందిన మిస్బా అనే అమ్మాయి స్కూల్ ఫస్ట్ వస్తుంది వైసిపి నేత వేధించి ఆత్మహత్య చేసుకునేలా చేశారన్నారు. డాక్టర్ అవ్వాలని కోరుకున్న మిస్బాని అన్యాయంగా చంపేశారన్నారు. న్ని ఘటనలు జరిగితే మైనార్టీ కమిషన్ చైర్మన్ ఈక్బాల్ అహ్మద్ ఖాన్ ఏమి చేశారని.. ఒక్క ఘటన పైన కూడా స్పందించలేదన్నారు. దూదేకుల కులానికి చెందిన వారికి బీసీ సిర్టిఫికట్ ఇవ్వకుండా ప్రభుత్వం వేధిస్తుందన్నారు.

వక్ఫ్ బోర్డు ని బలోపేతం చేస్తాం.. వక్ఫ్ ఆస్తులను కాపాడటానికి జ్యుడిషియల్ పవర్ కల్పిస్తామన్నారు. ముస్లీం రిజర్వేషన్లు కోసం వైసిపి పోరాడటం లేదు. ప్రతిపక్షం లో ఉన్నా ముస్లీం రిజర్వేషన్లు కోసం ఢిల్లీ స్థాయిలో పోరాడతామన్నారు. టీడీపీ అధికారంలోకి వచ్చిన వెంటనే ఇస్లామిక్ బ్యాంక్ ఏర్పాటు చేస్తామని.. టీడీపీ అధికారంలోకి వచ్చిన వెంటనే ఫోన్లో ఒక్క బటన్ నొక్కగానే దూదేకుల కులం వారికి బీసీ సర్టిఫికేట్ అందేలా చేస్తామని హామీ ఇచ్చారు.

ప్రతి నియోజకవర్గంలో ఇండస్ట్రియల్ క్లస్టర్స్ ఏర్పాటు చేసి ముస్లీం లకు ప్రత్యేకంగా భూములు కేటాయిస్తామని.. ముస్లీం లను పారిశ్రామికవేత్తలుగా తీర్చిదిద్దుతామన్నారు. పీలేరు లో ముస్లీంలకి ప్రత్యేకంగా మార్కెట్ ఏర్పాటు చేసి స్వయం ఉపాధి కోసం షాపులు కేటాయిస్తామని.. ఈద్గా అభివృద్ది చేస్తాం. ఖబర్ స్తాన్ వద్ద మౌలిక వసతులు కల్పించి అభివృద్ది చేస్తామన్నారు. గల్ఫ్ బాధితులకు టీడీపీ ప్రభుత్వం వచ్చిన వెంటనే సహాయం అందిస్తామని.. అక్కడ ఏ సమస్య వచ్చినా ఆదుకునేలా ఒక ప్రత్యేక బోర్డు ఏర్పాటు చేస్తామన్నారు.