అలా విలాసవంతమైన భవనంలో ముఖేశ్ అంబానీ తరువాత నివసించేది ఆయనే

మన దేశంలో ఒక్కో సెలబ్రేటీ నివాసం ఒక్కో స్పెషల్. ఇక మనదేశ ధనవంతుల నివాసాాల గురించి ప్రత్యేకించి చెప్పనక్కర్లేదు. ఇదిలావుంటే భారత్‌లో సుమారు 150 మంది బిలియనీర్లు ఉన్నారు. వారి సంపాదన రోజుకు కోట్లలో ఉంటుంది. వారి జీవన విధానం సైతం అదే స్థాయిలో ఉంటుంది. లగ్జరీ లైఫ్ లీడ్ చేస్తుంటారు. అందు కోసం వారు ఎంత మొత్తమైనా ఖర్చు చేసేందుకు వెనకడుగు వేయరు. దేశంలోని టాప్ 10 అత్యంత ఖరీదైన నివాసాల్లో రిలయన్స్ ఇండస్ట్రీస్ అధినేత ముకేశ్ అంబానీ తొలి స్థానంలో ఉంటారు. ముంబాయిలోని ఆయన నివాసం యాంటిలియా సుమారు రూ.12,000 కోట్లు విలువ ఉంటుంది. ముకేశ్ అంబానీ యాంటిలియా గురించి చాలా వార్తల్లో చూసే ఉంటారు. అయితే, ఆయన తర్వాత అత్యంత ఖరీదైన ఇంటిలో నివసిస్తున్నది ఎవరు అనే విషయం చాలా మందికి తెలియదు. ఇప్పుడు ఆ వ్యాపారవేత్త ఎవరో మనం తెలుసుకుందాం.

భారత ప్రసిద్ధ ఫాబ్రిక్, ఫ్యాషన్ రిటైల్ విభాగం రేమండ్ గ్రూప్ ఛైర్న్ గౌతమ్ సింఘానియాకు చెందిన జేకే హౌస్ దేశంలోనే అత్యంత ఖరీదైన నివాసాల్లో రెండో స్థానంలో నిలిచింది. ముకేశ్ అంబానీ ఇల్లు యాంటిలియా తర్వాత ఈయన భవనే అత్యంత ఖరీదానదన్నమాట. 145 మీటర్ల ఎత్తైన ఈ భవనం ముంబాయిలోని అల్టామౌంట్ రోడ్‌లో ఉంటుంది. అంబానీకి చెందిన యాంటిలియా భవనానికి సమీపంలోనే ఉండడం గమనార్హం.

గౌతమ్ సింఘానియా జేకే హౌస్‌లో 30 అంతస్తులు ఉంటాయి. దేశంలోనే ఇది రెండో ఎత్తైన ప్రైవేటు భవనం కావడం విశేషం. ఇందులో రెండు స్విమ్మింగ్ పూల్స్, హెలిప్యాడ్, జిమ్, స్పా వంటి అనేక లగ్జరీ సౌకర్యాలు ఉంటాయి. ఈ భవనంలో ఖరీదైన కార్లను పార్క్ చేసేందుకే ఏకంగా ఐదు అంతస్తులను కేటాయించారు. ముంబాయిలోని పాష్ ప్రాంతంలో ఉన్న ఈ ఆకాశహర్మ్యం విలువ సుమారు రూ.6,000 కోట్లుగా ఉంటుందని అంచనా. ప్రతి అంతస్తును ప్రత్యేకంగా డిజైన్ చేశారు. కుంటుంబ సభ్యులు తమ వ్యక్తిగత జీవితాన్ని ఎలాంటి చింతలు లేకుండా జీవించే వీలుంటుంది. పచ్చని తోటలు పరుచుకున్నట్లు లోపల ఏర్పాటు చేశారు.

మరోవైపు.. ముకేశ్ అంబానీ సోదరుడు అనీల్ అంబానీ ఇల్లు జేకే హౌస్ వెనకాలే ఉంటుంది. అయితే, అనీల్ అంబానీ ఇల్లు సైతం ఎంతో విలాసవంతంగా ఉంటుంది. అయితే, ధర, ఎత్తులోనూ గౌతమ్ సింఘానియా తర్వాతే అని చెప్పక తప్పదు. పాలిహిల్ ప్రాంతంలోని నర్గీస్ దత్ రోడ్‌లోని అనిల్ అంబానీ నివాసం విలువ రూ.5 వేల కోట్లుగా అంచనా. అయితే, సింఘానియా జేకే హౌస్ రూ.6 వేల కోట్లుగా ఉండడం గమనార్హం.