జాతీయ రహదారిపై ర్యాలీలు, సభలకు అనుమతి లేదు... జనసేనకు పోలీసుల ఝలక్
Andhra Pradesh Telugu | Suryaa Desk | Published : Mon, Mar 13, 2023, 07:46 PM
జనసేన పార్టీకి పోలీసులు ఝలక్ ఇచ్చారు. ఈ నెల 14న మచిలీపట్నంలో జనసేన ఆవిర్భావ సభ నిర్వహించనున్నారు. దీనికి అన్ని ఏర్పాట్లు చేశారు. కార్యకర్తలు, పవన్ అభిమానులు భారీగా తరలివస్తారని నేతలు అంచనా వేస్తున్నారు. ఈ సమయంలో.. పోలీసులు కీలక ప్రకటన చేశారు. ర్యాలీలు, సభలపై పోలీసులు ఆంక్షలు విధించారు. జాతీయ రహదారిపై ర్యాలీలు, సభలకు అనుమతి లేదని కృష్ణా జిల్లా ఎస్పీ జాషువా స్పష్టం చేశారు. జిల్లా వ్యాప్తంగా పోలీస్‌ యాక్ట్‌-30 అమల్లో ఉందని.. అనుమతి లేకుండా ర్యాలీలు చేస్తే చట్టపరమైన చర్యలు తీసుకుంటామని స్పష్టం చేశారు.
ఇటు మచిలీపట్నంలో జనసేన 10వ ఆవిర్భావ సభకు విస్తృత ఏర్పాట్లు చేస్తున్నారు. జనసేన పార్టీ జిల్లా అధ్యక్షుడు వెంకటేశ్వరరావు ఆధ్వర్యంలో ఏర్పాట్లు జరిగాయి. ఈ సభకు ప్రజలు సునామీలా వస్తారని జనసేన నేతలు ఆశిస్తున్నారు. ఇటు ఈ సభలో పవన్ కళ్యాణ్ కీలక రాజకీయ ప్రకటన చేస్తారని తెలుస్తోంది. అటు పోలీసుల ఆంక్షలపై జనసేన నేతలు అభ్యంతరం వ్యక్తం చేస్తున్నారు. కావాలనే తమ సభకు ఆటంకాలు సృష్టిస్తున్నారని ఆరోపణలు చేస్తున్నారు.
|
|