ట్రెండింగ్
రోడ్డు ప్రమాదంలో వ్యక్తి దుర్మరణం
Andhra Pradesh Telugu | Suryaa Desk | Published : Tue, Mar 14, 2023, 02:00 PM
చిలకలూరిపేట - నరసరావుపేట మార్గంలో చిలకలూరిపేట పట్టణంలోని పోలిరెడ్డి పాలెం ఆంజనేయస్వామి గుడి ఎదురుగా మంగళవారం ఉదయం జరిగిన రోడ్డు ప్రమాదంలో ఓ వ్యక్తి దుర్మరణం చెందాడు. చిలకలూరిపేట పట్టణంలోని కృష్ణారెడ్డి డొంక ప్రాంతానికి చెందిన కంభంపాటి సుధీర్ బాబు(39) ద్విచక్ర వాహనంపై నరసరావుపేట వైపు వెళ్తుండగా చిలకలూరిపేట వైపు వస్తున్న మినీ ట్రాన్స్ పోర్ట్ వాహనం ఢీకొంది. దీంతో సుధీర్ బాబు రోడ్డుపై పడి తీవ్రగాయాల పాలై అక్కడికక్కడే మృతి చెందాడు. సమాచారం అందుకున్న చిలకలూరిపేట 108 సిబ్బంది ఈ ఎంటి శోభన్ బాబు, పైలెట్ రాములు హుటాహుటిన సంఘటనాల స్థలానికి చేరుకొని పరిశీలించగా అప్పటికే సుధీర్ బాబు మృతి చెంది ఉండడాన్ని గుర్తించారు. అర్బన్ పోలీసులు సంఘటన స్థలానికి చేరుకొని దర్యాప్తు చేస్తున్నారు.
|
|