ట్రెండింగ్
గడ్డివాముతో పాటు టిప్పర్ లారీ దగ్ధం
Andhra Pradesh Telugu | Suryaa Desk | Published : Wed, Mar 15, 2023, 11:28 AM
అచ్చుతాపురం: మండలంలోని హరిపాలెంలో గడ్డివాముతో పాటు టిప్పర్ లారీ దగ్ధమైంది. గ్రామానికి చెందిన కాండ్రేగుల నాగేశ్వరరావు కు వ్యవసాయ భూమితోపాటు టిప్పర్ లారీ కూడా వుంది. సోమవారం రాత్రి టిప్పర్ లారీని పొలంలోని పాకల వద్ద నిలుపుదల చేశాడు. దీనికి సమీపంలో గడ్డి వాము వుంది. అర్ధరాత్రి తర్వాత టిప్పర్తో తోపాటు గడ్డివాము నుంచి మంటల వస్తుండడంతో సమీపంలో నివాసం వుంటున్న వారు నాగేశ్వరరావుకు ఫోన్ చేసి చెప్పారు. ఆయన వెంటనే అగ్నిమాపక కేంద్రానికి సమాచారం అందించారు. సిబ్బంది వచ్చేసరికి లారీ, గడ్డివాము పూర్తిగా కాలిపోయాయి. ఈ ఘటనపై నాగేశ్వరరావు పోలీసులకు ఫిర్యాదు చేశారు.
|
|