గిరి పుత్రులకు గుక్కెడు నీరు అందించండి మహాప్రభో..!
Andhra Pradesh Telugu | Suryaa Desk | Published : Wed, Mar 15, 2023, 12:38 PM
మడకశిర మండల పరిధిలోని ఆమిదాల గొంది పంచాయితీ టిడి పల్లి తాండకు రెండు నెలల నుండి త్రాగునీరు అందడం లేదు ఈ తాండాలో 65 కుటుంబాలు ఉన్నాయి. కాలనీలో త్రాగునీరు మోటారు చెడిపోయి రెండు నెలలు అవుతుండడంతో ఈ కాలనీవాసులు త్రాగునీరు కావాలంటే ఒకటిన్నర కిలోమీటర్ల దూరం వెళ్లి త్రాగునీరు తీసుకురావలసిస్తున్న దుర్భర పరిస్థితి నెలకొంది అంతేకాకుండా బడికి వెళ్లి చదువుకోవాల్సిన చిన్నపిల్లలు బిందెలతో త్రాగునీరు కోసం ఒకటిన్నర కిలోమీటర్లు నడిచి వెళ్లి త్రాగునీరు తీసుకురావడం బాధాకరం. పిల్లలకు పుస్తకాలు అందించి బడికి పంపించవలసిన తల్లితండ్రులు త్రాగునీరు కోసం ఖాళీ బిందెలు చేతికి ఇచ్చి పంపిస్తుంటే స్థానిక అధికారులు , రాజకీయ నాయకుల కు భాద అనిపించడం లేదా అంటూ ఆ గ్రామ ప్రజలు తెలియజేస్తున్నారు. ఇప్పటికైనా అధికారులు , ప్రజాప్రతినిధులు టిడిపి తాండ లో ఉన్నటువంటి త్రాగునీరు మోటారును సరిచేసి ఆ కాలనీవాసులకు త్రాగునీరు అందించాలని ఆ కాలనీ గిరిపుత్రులు ముక్తకంఠంతో వేడుకుంటున్నారు.
|
|