జల్సాలకు అలవాటు పడి చైన్ స్నాచింగ్ అవతారం ఎత్తిన యువకుడు అరెస్ట్
Andhra Pradesh Telugu | Suryaa Desk | Published : Tue, Mar 21, 2023, 01:32 PM
కడప నగరం ప్రకాశ్నగర్లో ఉదయం నడుచుకుంటూ వెళుతున్న ఓ మహిళ మెడలోని బంగారు చైన్ను లాక్కెళ్లిన కేసులో యువకున్ని అరెస్టు చేసినట్లు ఎస్పీ అన్బురాజన్ తెలిపారు.వివరాల్లోకి వెళ్ళితే... సిద్దవటం మండలం టక్కోలిలోని డేగలవాండ్లపల్లె గ్రామానికి చెందిన కంచెర్ల దేవేంద్రరెడ్డి కడపలోని ఓ కళాశాలలో డిగ్రీ చదువుతున్నాడు. జల్సాలకు అలవాటు పడి చైన్ స్నాచింగ్ అవతారం ఎత్తాడు. ఈ నెల 18న ప్రకాశ్నగర్లో ఉదయం రోడ్డుపై నడుచుకుంటూ వెళుతున్న పుల్లగూర దానమ్మ మెడలోని బంగారు గొలుసును బైకులో వచ్చి లాక్కెళ్లి పారిపోయాడని బాధితురాలు ఇచ్చిన ఫిర్యాదు మేరకు చిన్నచౌకు సీఐ శ్రీరాం శ్రీనివా్సలు కేసు నమోదు చేశారన్నారు. కడప డీఎస్పీ వెంకటశివారెడ్డి ఆధ్వర్యంలో సీఐ శ్రీరాం శ్రీనివాస్, ఎస్ఐలు అమర్నాధరెడ్డి, రోషన్ తమ సిబ్బందితో నిఘా ఉంచి చైన్ స్నాచింగ్కు పాల్పడ్డ యువకున్ని ఆదివారం కడప - తాడిపత్రి బైపా్సరోడ్డులో చల మారెడ్డిపల్లె క్రాస్ వద్ద అరెస్టు చేసి అతని వద్ద నుండి 20 గ్రాముల బంగారు గొలుసు, ఒక హోండా యాక్టివా స్కూటీని స్వాధీనం చేసుకున్నట్లు వివరించారు.
|
|