దొంగతనం జరిగిందని హడావిడి,,తీరా చూస్తే పెద్ద నాటకంగా తేలింది
Andhra Pradesh Telugu | Suryaa Desk | Published : Tue, Mar 21, 2023, 05:13 PM
వేసిన డ్రామ కథ కాస్త అడ్డుతిరిగింది. అప్పులు చుట్టుముట్టాయి.. తిరిగి వాటిని చెల్లించే పరిస్థితి లేదు. ఎలాగైనా అప్పుల తిప్పల నుంచి బయటపడాలని భావించాడు. అప్పుడే మనోడికి ఓ ఆలోచన వచ్చింది.. వెంటనే అమలు చేశాడు. అంతా బాగానే వర్కౌట్ అయ్యింది కానీ.. చివర్లో పోలీసులకు అడ్డంగా దొరికిపోయాడు. నంద్యాల జిల్లా ఆళ్లగడ్డ సమీపంలో జరిగిన ఈ కేసును పోలీసులు చేధించారు.
ఆళ్లగడ్డ మండలం ఓబులంపల్లెకు చెందిన సద్దాం హుసేన్ ఇంట్లో చోరీ జరిగింది. విషయం తెలియడంతో పోలీసులు ఘటనాస్థలాన్ని పరిశీలించారు. అక్కడ చోరీ జరిగిన తీరును పరిశీలించారు.. ఇంటికి తాళం వేసి పక్కనే ఉన్న టీ షాపులో అతడు నిద్రించగా, దొంగలు ఇంట్లోకి చొరబడి రూ.80 వేల డబ్బులు, ఐదున్నర తులాల బంగారం దొంగలించారని సద్దాం హుసేనే తెలిపాడు. పోలీసులు బాధితుడిని పోలీస్ స్టేషన్కు తీసుకెళ్లి ప్రశ్నించగా.. చోరీ జరగలేదని, తానే ఇదంతా చేసినట్లు ఒప్పుకున్నాడు. అప్పుల నుంచి తప్పించుకొనేందుకు అతను నాటకం ఆడినట్లు చెప్పడంతో పోలీసులు అవాక్కయ్యారు. నిజంగానే దొంగతనం జరిగిందని పోలీసులతో పాటూ స్థానికులు కంగారుపడితే.. మనోడు చాలా కూల్గా అదంతా నాటకమని చెప్పాడు.
|
|