స్మార్ట్ టౌన్ షిప్లలో ప్లాట్ తీసుకోవచ్చు,,,జీవో నంబర్ 38 జారీ చేసిన అధికారులు
Andhra Pradesh Telugu | Suryaa Desk | Published : Wed, Mar 22, 2023, 11:32 AM
ఆంధ్రప్రదేశ్ ప్రభుత్వ ఉద్యోగులకు రాష్ట్రంలో జగనన్న స్మార్ట్ టౌన్షిప్ ప్రాజెక్టుల్లో ఎక్కడైనా ప్లాట్ కొనుగోలు చేసేందుకు ప్రభుత్వం అవకాశం కల్పించింది. గతంలో ఉద్యోగులు పనిచేస్తున్న ప్రాంతంలో ఉన్న జగనన్న స్మార్ట్ టౌన్షిప్ల్లో మాత్రమే కొనుగోలు చేసేందుకు వీలుండేది.. కానీ కొద్దిరోజులుగా ఉద్యోగుల విజ్ఞప్తితో పురపాలక, పట్టణాభివృద్ధిశాఖ ఈ నిబంధనలను సడలించి జీవో నంబరు 38 జారీ చేశారు. రాష్ట్రంలో ఎక్కడ పనిచేస్తున్నవారైనా.. వారు కోరుకున్నచోట ప్లాట్ తీసుకోవచ్చని ప్రభుత్వం తెలిపింది.
కొత్త నిబంధనలతో మున్సిపల్ శాఖ ప్రత్యేక ప్రధాన కార్యదర్శి వై.శ్రీలక్ష్మి ఈ ఉత్తర్వులు జారీచేశారు. ఈ జీవో నంబర్ 38 ద్వారా ప్లాట్ను రాష్ట్రంలో ఎక్కడైనా ఎంపిక చేసుకునే అవకాశం ఉంటుంది. రాష్ట్రంలోని 22 నగరాలు, పట్టణాల్లో అన్ని అనుమతులు, ప్రణాళికలతో రాష్ట్ర ప్రభుత్వం జగనన్న స్మార్ట్ టౌన్షిప్లను అభివృద్ధి చేసిన సంగతి తెలిసిందే. వీటిని మార్కెట్ ధర కంటే తక్కువకే అందుబాటులో ఉన్నాయి. ప్రజలతో పాటు ప్రభుత్వ ఉద్యోగులు కొనుగోలు చేసుకునేందుకు అవకాశం దక్కింది.
రాష్ట్రవ్యాప్తంగా అన్ని లే అవుట్లలో ప్రభుత్వ ఉద్యోగులకు 10 ప్లాట్లు రిజర్వ్ చేయడంతో పాటు ధరలో 20 శాతం రిబేట్ సౌకర్యం కూడా ఉంది. తాజా జీవోతో రాష్ట్రంలో వివిధ శాఖల్లో పనిచేస్తున్న ఉద్యోగులు సొంత ఇంటి కలను నెరవేర్చుకోవచ్చు. మొత్తం 22 జగనన్న స్మార్ట్ టౌన్షిప్ ప్రాజెక్టుల్లో ఎక్కడైనా ప్లాట్ బుక్ చేసుకోవచ్చు. లే అవుట్స్ వివరాలను https:// migapdtcp. ap. gov. in/ వెబ్సైట్లో చూడొచ్చని ప్రభుత్వం తెలిపింది.
|
|