పది పబ్లిక్ పరీక్షల్లో శతశాతం మార్కులు సాధించాలి

పదో తరగతి విద్యార్థులకు జిల్లా వ్యాప్తంగా నిర్వహించిన ప్రజ్ఞా వికాస పరీక్షల విజేతలకు కొత్తవలస మండలంలో కొత్తవలస ఎస్ఐదేవి చేతుల మీదుగా ప్రతిభా పురస్కారాలు అందజేశారు. ఈ సందర్భంగా ఎస్ఐ దేవి మాట్లాడుతూ టాలెంట్ టెస్ట్ లో మంచి ఫలితాలు సాధించినందుకు విజేతలకు, వారి తల్లి ల్లిదండ్రులకు అభినందనలు తెలియజేసారు. జిల్లా సహాయ కార్యదర్శి ఎం. హర్ష మాట్లాడుతూ పదవ తరగతి విద్యార్థులకు పరీక్ష భయాన్ని పోగొట్టడానికి మోడల్ పదవ తరగతి పరీక్ష జిల్లా వ్యాప్తంగా 12, 000 మందితో నిర్వహించామని తెలిపారు. మూడు స్థానాల్లో విజేతలుగా నిల్చారని తెలిపారు. పదవ తరగతి విద్యార్థులకు పరీక్ష భయాన్ని పోగొట్టడానికి అదేవిధంగా వారిలో ఉన్న నైపుణ్యాన్ని బయటకు తీయడానికి, పదవ తరగతి పబ్లిక్ పరీక్షలపై విద్యార్థులకు అవగాహన కల్పించడానికి ఈ పరీక్ష నిర్వహించడం జరిగిందని , దీనిలో పెద్ద ఎత్తున విద్యార్థులు పాల్గొని జయప్రదం చేశారని తెలిపారు. గెలుపొందిన విద్యార్థులకు అభినందనలు తెలిపారు. పరీక్షను విజయవంతం చేసిన విద్యార్థులకు, పాఠశాల యాజమాన్యాలకు, టీచర్లకు తదితర శ్రేయోభిలాషులకు కృతజ్ఞతలు తెలిపారు. పబ్లిక్ పరీక్షల్లో శత శాతం మార్కులు సాధించేలా, ప్రణాళికబద్ధంగా చదవాలని అన్నారు. భవిష్యత్తులో జరిగే ఇటువంటి విద్యార్థులకు ఉపయోగపడే కార్యక్రమాలకు విద్యార్థులు, ప్రజానీకం సహకరించాలని కోరుకుంటున్నామని తెలిపారు. ఈ కార్యక్రమంలో కొత్తవలస మండల కార్యదర్శి వి. నాయుడు, నాయకులు లోకేష్, మోడల్ స్కూల్ ప్రిన్సిపల్ శివప్రసాద్ , ఉపాధ్యాయులు, విద్యార్థులు, తల్లిదండ్రులు పాల్గొన్నారు.