చెల్లి పెళ్లిలోని రికార్డును బ్రేక్ చేసి,,,మేనకోడలికి రూ3. కోట్ల కట్నం ఇచ్చిన మేనమామలు

ఒక్కో ప్రాంతంలో ఒక్కో వింత ఆచారముంటుంది. రాజస్థాన్‌లో మేనకోడలి పెళ్లికి ముగ్గురు మేనమామలు రూ.3.21 కోట్ల విలువ చేసే నగదు, ఆస్తులను కట్నంగా ఇచ్చి వార్తల్లో నిలిచిన విషయం తెలిసిందే. తాజాగా, అదే రాష్ట్రంలో తమ సోదరి వివాహం సందర్భంగా ఇద్దరు సోదరులు రూ.2.21 కోట్ల నగదు సహా రూ.8 కోట్లకుపైగా బంగారు, వెండి ఆభరణాలు, ఆస్తులను అందజేసి తమ అవిభాజ్యమైన ప్రేమను చాటుకున్నారు. సోదరికి కట్నాన్ని అందజేయడానికి వందలాది మందితో తరలివెళ్లారు. వందలాది కార్లు, ట్రాక్టర్లు, ఒంటెలు, ఎద్దుల బండ్లతో బంధుమిత్ర సపరివార సమేతంగా వెళ్లి కట్నకానుకలు అందజేశారు. దీంతో దాదాపు రెండు కిలోమీటర్లు మేర వాహనాలు బారులు తీరాయి.

ఇలా పెళ్లి వేడుకకు కట్నకానుకలు సమర్పించడాన్ని రాజస్థాన్ సంప్రదాయంలో 'మైరా' అంటారు. వివరాల్లోకి వెళ్తే నాగౌర్ జిల్లా ధింగ్‌సార గ్రామానికి చెందిన అర్జున్ రామ్ మెహారియా, భగీరథ్ మెహారియాలు తమ సోదరికి వివాహాం జరిపించారు. వీరు తమ సోదరికి కట్నం కింద దాదాపుగా రూ. 8.1 విలువ చేసే ఆస్తులను ఇచ్చారు. ఇందులో రూ.2.21 కోట్ల నగదు, 1,105 గ్రాముల బంగారం, 14 కేజీల వెండి ఆభరణాలు.. రూ. 4.42 కోట్లు విలువచేసే భూమి ఉన్నాయి. వీటితో పాటు ఓ ట్రాక్టర్ గోధుమలు, స్కూటీ, కొన్ని వాహనాలు, నగలను కట్నంగా సమర్పించారు.

ఇప్పటి వరకూ అర్జున్, భగీరథ్ మెహారియాలు తమ సోదరికి అందజేసిన కానుకలే తమ జిల్లాలో అత్యధిక కట్నమని స్థానికులు చెబుతున్నారు. దీంతో ఈ వీడియో ప్రస్తుతం వైరల్గా మారింది. అయితే ఈ ఆచారం తరతరాల నుంచి కొనసాగుతుందని.. ఇలా సోదరి పెళ్లికి భారీగా కట్నం అందజేయడం తమ కుటుంబ సాంప్రదాయమని ఆ సోదరులు తెలిపారు.

నాగౌర్‌లో ఎన్నో ఏళ్లుగా కొనసాగుతున్న సంప్రదాయం మైరా. హిందూ సంప్రదాయ వివాహంలో ఇది ఒక భాగం. సోదరికి ఆర్థిక భారం తగ్గించేందుకు ఆమె సోదరులు ఈ మైరాను అందజేస్తారు. ఇందులో భాగంగా పెళ్లి వేడుకను సోదరులే దగ్గరుండి జరిపించి, అత్తింటికి కట్నకానుకలతో సాగనంపుతారు. అయితే ఇప్పటి వరకు ఎవరూ అందజేయనంతగా ఈ గ్రామంలో తన సోదరికి వివాహానికి అందించనంత కట్నకానుకలు సమర్పించి పెళ్లి జరిపించారు ఈ ఇద్దరు అన్నదమ్ములు. ఏకంగా రూ. 8.1 కోట్ల విలువ చేసే నగదు, బహుమతులను పెళ్లికి కట్నంగా ఇచ్చారు.

ఇదే జిల్లాలో ముగ్గురు మేనమామలు మేనకోడలికి సందర్భంగా రూ. 3.21 కోట్ల విలువ చేసే నగదు, ఆస్తులను కట్నంగా ఇచ్చారు ఈ ముగ్గురు సోదరులు. అందులో రూ. 80 లక్షల నగదు, 41 తులాల బంగారం, 3 కిలోల వెండి ఉన్నాయి. వీటితో పాటు 10 ఎకరాల వ్యవసాయ భూమి, రూ.30 లక్షలు విలువ చేసే స్థలాన్ని కానుకగా ఇచ్చారు