ఆ నలుగురు ఎమ్మేల్యేలు రాజీనామా చెయ్యండి
Andhra Pradesh Telugu | Suryaa Desk | Published : Tue, Mar 28, 2023, 02:39 PM
క్రాస్ ఓటింగ్కు పాల్పడిన ఆ నలుగురు ఎమ్మెల్యేలకు దమ్ముంటే రాజీనామా చేయాలని మంత్రి ఆర్కే రోజా సవాల్ విసిరారు. ఒక్క ఎమ్మెల్సీ స్థానం గెలిచి ఏదో సాధించామని సంబర పడుతున్నారంటూ తెలుగుదేశం పార్టీ నేతలపై మంత్రి మండిపడ్డారు. ఎమ్మెల్యే రాపాక వరప్రసాద్ వ్యాఖ్యల నేపథ్యంలో చంద్రబాబు నీచ రాజకీయాలు అర్థం అవుతున్నాయన్నారు. ఉండవల్లి శ్రీదేవిని కోవిడ్ సమయంలో స్పెషల్ ఫ్లైట్ పెట్టి సీఎం వైయస్ జగన్ ప్రాణాలు కాపాడితే.. ఈ రోజు ఆయన నుండే ప్రాణహాని ఉందని చంద్రబాబు స్క్రిప్ట్ చదువుతోంది అంటూ ఆగ్రహం వ్యక్తం చేశారు.. హైదరాబాద్ లో ఉండే డాక్టర్ ని తీసుకువచ్చి అమరావతిలో గెలిపిస్తే ఈరోజు పార్టీకి ద్రోహం చేసిందంటూ ఫైర్ అయ్యారు. ఎంత పెద్ద డాక్టర్ అయినా.. ఎంత సీనియర్ లీడర్ అయినా.. సరే.. గత ఎన్నికల్లో సీఎం వైయస్ జగన్ వల్లే గెలుపొందారని గుర్తు చేశారు. దమ్ముంటే.. పార్టీకి వ్యతిరేక కార్యకలాపాలకు పాల్పడిన ఆ నలుగురు ఎమ్మేల్యేలు రాజీనామా చేసి మీకు నచ్చిన పార్టీ నుంచి పోటీ చేస్తే.. ఎవరి బలం ఏంటో తేలిపోతుంది అంటూ మంత్రి రోజా చాలెంజ్ చేశారు.
|
|