నేటి నుండి శ్రీసజ్జగంట రంగనాథ స్వామి బ్రహ్మోత్సవాలు
Andhra Pradesh Telugu | Suryaa Desk | Published : Sat, Apr 01, 2023, 11:17 AM
శ్రీసత్య సాయి జిల్లా పెనుకొండ నియోజకవర్గం సోమందపల్లి మండలంలోని గుడిపల్లి గ్రామంలో వెలసిన శ్రీసజ్జగంట రంగనాథ స్వామి బ్రహ్మోత్సవాలు శనివారం నుండి చైత్ర బహుళ పంచమి 10-4-2023 వరకు బ్రహ్మోత్సవాలు జరుగుతాయని ఆలయ ధర్మకర్త రమా కాంత్ రెడ్డి తెలిపారు. ఈ సందర్బంగా శనివారం అయన మాట్లాడుతూ అంకరార్పణతో మొదలుకొని పది రోజులపాటు కల్యాణోత్సవం నుండి ప్రతిరోజు ఒక అవతారంలో స్వామివారు దర్శనమిస్తారు. ముఖ్యంగా 4వ తేదీ మంగళవారం స్వామివారి కల్యాణోత్సవం, 5 వ తేదీన బుధవారం బ్రహ్మ రథోత్సవం, 6వ తేదీన గురువారం అతి ముఖ్యమైన ఆది ఆంధ్ర భక్తుని అద్భుత దీపోత్సవం శుక్రవారం వసంతోత్సవం ద్వజారోహణం ఉండునని ఆలయ ధర్మకర్త తెలియజేశారు. భక్తాదులు విచ్చేసి స్వామివారి కృపకు పాత్రులగుదురని బ్రహ్మోత్సవాలు విజయవంతం చేయాలని వచ్చే భక్తాదులకు ఎటువంటి ఇబ్బందులు లేకుండా బ్రహ్మోత్సవాలు జరిగేలా అన్ని ఏర్పాట్లు పూర్తి చేసినట్లు గ్రామ సర్పంచ్ గిరిజమ్మ నాగరాజు, కార్య నిర్వహణ అధికారి ఈశ్వర్ రెడ్డి గుడిపల్లి గ్రామ పెద్దలు తెలిపారు.
|
|