ట్రెండింగ్
ఈ నెల 5న కడపలో పర్యటించనున్న చంద్రబాబు
Andhra Pradesh Telugu | Suryaa Desk | Published : Tue, Apr 04, 2023, 12:16 PM
తెలుగుదేశం పార్టీ అధినేత చంద్రబాబు ఈ వారం... వచ్చే వారం విస్తృతంగా రాష్ట్రవ్యాప్తంగా పర్యటించనున్నారు. ఖరారైన కార్యక్రమం ప్రకారం ఈ నెల ఐదో తేదీ నుంచి ఏడో తేదీ వరకూ ఆయన రాష్ట్రంలో మూడు ప్రాంతాల్లో మూడు చోట్ల జోనల్‌ సదస్సుల్లో పాల్గొననున్నారు. ఐదో తేదీన విశాఖ, ఆరో తేదీన కడప, ఏడో తేదీన నెల్లూరుల్లో ఆయన ఈ సదస్సులో పాల్గొంటారు. ఒకో సదస్సులో 35 అసెంబ్లీ నియోజకవర్గాలకు చెందిన పార్టీ నేతలు పాల్గొంటారు. దీని తర్వాత 11న అమరావతిలో జరిగే ఇఫ్తార్‌ కార్యక్రమంలో ఆయన పాల్గొంటారు. రంజాన్‌ మాసాన్ని పురస్కరించుకొని ముస్లిం మైనారిటీల కోసం ఈ కార్యక్రమాన్ని టీడీపీ కేంద్ర కార్యాలయం సమీపంలోని సీకే కల్యాణ మంటపంలో నిర్వహిస్తున్నారు. 12 నుంచి మూడు రోజులపాటు ఆయన కృష్ణా జిల్లాలో పర్యటించనున్నారు. 13న గుడివాడలో జరిగే బహిరంగ సభలో చంద్రబాబు పాల్గొంటారు.
|
|