విశాఖ ఉమ్మ‌డి జిల్లాలో ఐపీఎస్‌ల బ‌దిలీలు
Andhra Pradesh Telugu | Suryaa Desk | Published : Sat, Apr 08, 2023, 10:56 AM
విశాఖపట్నం నగర పోలీస్ కమిషనర్ గా గత సంవత్సర కాలంగా సేవలు అందిస్తున్న 2002 బ్యాచ్ కి చెందిన సిహెచ్ శ్రీకాంత్ ను ఐజిగా సిఐడి విభాగానికి బదిలీ చేస్తూ శుక్రవారం అర్ధరాత్రి ఆంధ్ర ప్రదేశ్ రాష్ట్ర ప్రభుత్వ ప్రధాన కార్యదర్శి కే. ఎస్. జవహర్ రెడ్డి ఉత్తర్వులు జారీ చేశారు. ఆయన స్థానంలో గుంటూరు రేంజ్ ఐజీగా పనిచేస్తున్న 2005 ఐపిఎస్ బ్యాచ్ కు చెందిన సీ. ఎం త్రివిక్రమ్ వర్మ ను నియమించారు.
ఆయనతోపాటు విశాఖపట్నం లా అండ్ ఆర్డర్ డిసిపిగా పనిచేస్తున్న 2017 బ్యాచ్ కు చెందిన సుమిత్ గరుడ సునీల్ ను ఎస్పీగా ఎస్ఐబి విభాగానికి బదిలీ చేశారు. ఆయన స్థానంలో 2016 బ్యాచ్ కి చెందిన వాసన్ విద్యాసాగర్ నాయుడు ను విశాఖపట్నం నగర లా అండ్ ఆర్డర్ డీసీపీ గా నియమించారు.
అదేవిధంగా అనకాపల్లి ఎస్పీగా పనిచేస్తున్న 2017 బ్యాచ్ కి చెందిన గౌతమి శాలిని విశాఖపట్నం ఏపీఎస్పీ 16 బెటాలియన్ కమాండెంట్ గా బదిలీ చేశారు. ఆమె స్థానంలో కే. వీ మురళీకృష్ణను అనకాపల్లి ఎస్పీగా నియమించారు. వీరితో పాటు అల్లూరి జిల్లా రంపచోడవరం అదనపు ఎస్పీగా పనిచేస్తున్న 2012 బ్యాచ్ కి చెందిన జి. కృష్ణ కాంత్ ను కర్నూలు ఎస్పీగా బదిలీ చేశారు. ఆయనతోపాటు అల్లూరు జిల్లా పాడేరు అదనపు ఎస్పీగా పనిచేస్తున్న 2017 బ్యాచ్ కు చెందిన తుహిన్ సిన్హాను అల్లూరి ఎస్పీగా నియమించారు.
|
|