ఏపీలో భారీగా ఐపీఎస్‌ల బదిలీ,,,అర్ధరాత్రి రెండు జీవోలు

ఇటీవల భారీగా ఐఏఎస్ ల బదీలు  చేపట్టిన వైసీపీ సర్కార్ తాజాగా భారీగా ఐపీఎస్‌లను బదిలీ చేస్తూ నిర్ణయం తీసుకుంది. ఏకంగా 39 మంది అధికారులను బదిలీ చేస్తూ ఉత్తర్వులు జారీ చేసింది. ఈ మేరకు దీనికి సంబంధించి రెండు జీవోలను శుక్రవారం అర్థరాత్రి ప్రభుత్వం జారీ చేసింది. బదిలీ అయిన ఐపీఎస్ అధికారుల వివరాలు ఇలా ఉన్నాయి.

నెల్లూరు ఎస్పీగా తిరుమలేశ్వర్ రెడ్డి, విశాఖ పోలీస్ కమిషనర్‌గా త్రివిక్రమ్ వర్మ, విజయవాడ రైల్వే ఎస్పీగా రాహుల్ దేవ్ సింగ్, కాకినాడ ఎస్పీగా ఎస్.సతీష్ కుమార్, తూర్పు గోదావరి జిల్లా ఎస్పీగా సీహెచ్.సుధీర్ కుమార్ రెడ్డి, అంబేద్కర్ కోనసీమ జిల్లా ఎస్పీగా పి.శ్రీధర్‌ను నియమించారు. 11 జిల్లాలకు కొత్త ఎస్పీలను నియమించారు. గ్రేహౌండ్స్ ఎస్పీగా గరికపాటి బింధు మాధవ్, ఆక్టోపస్ ఎస్పీగా సిద్ధార్థ కౌశల్, కర్నూలు ఎస్పీగా కృష్ణకాంత్, శ్రీసత్యసాయి జిల్లా ఎస్పీగా ఎస్.వి.మాధవరెడ్డి, సీఐడీ ఎస్పీగా ఫక్కీరప్ప, అనంతపురం ఎస్పీగా కె.శ్రీనివాసరావు, సీఐడీ ఎస్పీగా హర్షవర్దన్ రాజు, అన్నమయ్య జిల్లా ఎస్పీగా ఆర్.గంగాధర్ రావు, నెల్లూరు ఎస్పీగా తిరుమలేశ్వర్ రెడ్డిలను నియమించారు.

ఇక ఏలూరు ఎస్పీగా మేరీ ప్రశాంతి, డా.అంబేద్కర్ కోనసీమ జిల్లా ఎస్పీగా పి.శ్రీధర్, విశాఖపట్నం ఎపీఎస్పీ బెటాలియన్ కమాండెంట్‌గా గౌతమి శాలి, అనకాపల్లి ఎస్పీగా కె.వి.మురళికృష్ణ, కాకినాడ ఎస్పీగా సతీష్ కుమార్, అల్లూరి సీతారామరాజు ఎస్పీగా తుహిన్ సిన్హా, పార్వతీపురం మన్యం ఎస్పీగా విక్రాంత్ పాటిల్, సీఐడీ ఐజీగా శ్రీకాంత్, పోలీసు నియామక మండలి ఛైర్మన్, అదనపు డీజీపీ, ఏపీఎస్పీ బెటాలియన్‌ అదనపు బాధ్యతలు అతుల్ సింగ్‌కు కేటాయిస్తున్నట్లు ఉత్తర్వుల్లో పేర్కొన్నారు. ఏలూరు డీఐజీగా జీవీజీ అశోక్ కుమార్, గుంటూరు ఐజీగా పాలరాజు, అనంతపురం డీఐజీగా అమ్మిరెడ్డి, సెబ్ డీఐజీగా రవిప్రకాశ్, ఏపీఎస్పీ బెటాలియన్స్ డీఐజీగా రాజకుమారి, గ్రేహౌండ్స్ డీఐజీగా కోయ ప్రవీణ్, పరిపాలన, పోలీస్ ప్రధాన కార్యాలయ అధికారిగా సర్వశ్రేష్ఠ త్రిపారిలను నియమించింది.

ఏపీలో ముందస్తు ఎన్నికలు వస్తాయనే ఊహాగానాలు జోరుగా వినిపిస్తున్నాయి. తెలంగాణ ఎన్నికలతో పాటు సీఎం జగన్ కూడా ముందస్తుకు పోయే అవకాశముందనే ప్రచారం ఏపీ పొలిటికల్ సర్కిల్స్‌లో జోరుగా జరుగుతోంది. అందుకు తగ్గట్లు పార్టీ పరంగా జగన్ దూకుడు పెంచారు. గడపగడపకు మన ప్రభుత్వం కార్యక్రమంతో పాటు 'మా భవిష్యత్ నువ్వే జగనన్న' లాంటి కార్యక్రమాలకు శ్రీకారం చుట్టారు. ఈ కార్యక్రమం ద్వారా ఇంటింటికి స్టిక్కర్లు అంటించడంతో పాటు సెల్‌ఫోన్లకు కూడా స్టిక్కర్లు అంటించే కార్యక్రమం చేపడుతున్నారు.