నారా లోకేష్ పాదయాత్ర విజయవంతం చేయండి: డేగల కృష్ణమూర్తి
Andhra Pradesh Telugu | Suryaa Desk | Published : Sun, Apr 09, 2023, 09:48 AM
టిడిపి జాతీయ కార్యదర్శి యువ నాయకుడు నారా లోకేష్ చేపట్టిన యువగళం పాదయాత్ర శింగనమల నియోజకవర్గంలో దిగ్విజయంగా కొనసాగుతుంది. ఆదివారం శింగనమల మండలంలో పాదయాత్ర ప్రవేశించనుంది. నారా లోకేష్ పాదయాత్రలో అనంతపురం జిల్లా టిడిపి పార్లమెంట్ అధికార ప్రతినిధి డేగల కృష్ణమూర్తి పాల్గొన్నారు. కోటంక గ్రామం వద్ద శింగనమల నియోజకవర్గంలోకి పాదయాత్ర ప్రవేశించడంతో పాటు మర్తాడు మీదుగా గార్లదిన్నె మండల కేంద్రం మీదుగా జంబులదిన్నె గ్రామం వద్ద లోకేష్ కు బస ఏర్పాట్లు టిడిపి పార్టీ ఆధ్వర్యంలో చేపట్టినట్లు తెలియజేశారు. గార్లదిన్నె మండల కేంద్రంలో నారా లోకెష్ పాదయాత్రకు మరియు భారీ బహిరంగ సభకు వేలాది మంది తరలి రావడంతో సంతోషించదగ్గ విషయమనీ తెలియజేశారు.
రైతన్నతో లోకేష్ కార్యక్రమానికి వందలాది మంది రైతన్నలు పాల్గొని విజయవంతం చేశారని తెలిపారు. శింగనమల మండలంలో రెండు రోజుల పాటు లోకేష్ పాదయాత్ర కొనసాగుతుందని అందులో టిడిపి నాయకులు, కార్యకర్తలు, అభిమానులు, ప్రజలు పాల్గొని విజయవంతం చేయాలని కోరారు. అనంతపురం జిల్లా శింగనమల నియోజకవర్గం గార్లదిన్నె మండలంలోని జంబులదిన్నె లోకేష్ బస కేంద్రం వద్ద రైతన్నలతో లోకేష్ సమావేశంనకు అనంతపురం జిల్లా టిడిపి అధికార ప్రతినిధి డేగల కృష్ణమూర్తి , మాజీ మార్కెట్ యార్డ్ డైరెక్టర్ మాసుల చంద్రమోహన్, డాల్ వీర్ నారాయణ, ఫక్రుద్దీన్, ముంతా వెంకటేష్, అట్టే శ్రీనివాసులు, రహంతుల్లా, ఓబుళపతి, నాగరాజు, బయ్యన్న తదితరులు పాల్గొన్నారు.
|
|