మరో మహిళతో ఏఆర్ ఎస్ఐ,,బంధువులతో కలిసి దేహశుద్ధి చేసిన భార్య

నెల్లూరు పట్టణంలోని పోస్టల్ కాలనీలో ఏ ఎస్సై బాగోతం వెలుగులోకి వచ్చింది. ఏఆర్ ఎస్‌ఐ వాసు మరో మహిళతో ఏకాంతంగా ఉండగా మొదటి భార్య రెడ్‌హ్యండెడ్‌గా పట్టుకుంది. తనను కాదని, మరో మహిళతో కలిసి ఉన్న భర్తకు భార్య తన బంధువులతో కలిసి దేహశుద్ది చేసింది. ఈ ఘటన స్థానికంగా చర్చనీయాంశమైంది.  వివరాల్లోకి వెళితే.. గుంటూరుకు చెందిన వాసు దంపతులకు 30 ఏళ్ల క్రితం వివాహం జరిగింది. వీరికి ఓ కుతూరు, కుమారుడు సంతానం. వాసు ఏఆర్ ఎస్ఐగా విధులు నిర్వహిస్తున్నాడు. 2017 నుంచి భార్యాభర్తల మధ్య గొడవలు మెుదలయ్యాయి. ఆ తర్వాత వాసు ఇంటికి రావటం మానేశాడు. అప్పటి నుంచి వాసు భార్య స్రామాజ్యం తన పిల్లలతో కలిసి గుంటూరులోనే ఉంటుంది. ఇదిలా ఉండగా.. 2018 నుంచి మౌనిక అనే మహిళతో తన భర్త సహాజీవనం చేస్తున్నాడని వాసు భార్య ఆరోపిస్తోంది. అప్పటి నుంచి ఆమెతోనే కలిసి ఉంటున్నాడని, తనను నిర్లక్ష్యం చేస్తున్నాడని వాపోయింది. ఈ క్రమంలోనే నెల్లూరులో పోస్టల్ కాలనీలో మౌనికతో కాపురం పెట్టాడని తెలుసుకొని ఇవాళ కుటుంబ సభ్యులతో కలిసి ఇంటిపై దాడి చేసింది. మరో మహిళతో ఉన్న ఎస్‌ఐ వాసును రెడ్ హ్యాండెడ్‌గా పట్టుకొని దేహశుద్ది చేసింది. పరాయి స్త్రీ మోజులో పడి తన భర్త తనను, పిల్లల్ని నిర్లక్ష్యం చేస్తున్నాడని వాసు భార్య ఆవేదన వ్యక్తం చేసింది. తన భర్త తనకు కావాలని డిమాండ్ చేస్తోంది.

అయితే వాసు వాదన మరోలా ఉంది. తన భార్య సామ్రాజ్యంతో తనకు విభేదాలు ఉన్నాయని.. దాంతో తాము విడాకులకు అప్లై చేసినట్లు చెప్పారు. ఆరేళ్ల క్రితమే తాము విడాకులు తీసుకునేందుకు కోర్టుకు వెళ్లామని.., ప్రస్తుతం కోర్టులో వాదనలు నడుస్తున్నట్లు వెల్లడించారు. కరోనా సమయంలో తనను చూసే దిక్కులేకపోవటంతో మౌనిక అనే మహిళతో ఉంటున్నట్లు చెప్పుకొచ్చారు. ఏదైనా ఉంటే పోలీసులకు చెప్పాలని కానీ.. ఇలా తన ఇంటిపై దాడి చేయటం సరైంది కాదని అంటున్నాడు. ఏదీ ఏమైనా ఇలా అక్రమ సంబంధాలు కొనసాగిస్తూ పచ్చని సంసారాలను కూల్చేసుకోవటం మాత్రం సరైంది కాదని పలువురు అభిప్రాయాలు వ్యక్తం చేస్తున్నారు. భార్యభర్తల మధ్య చిన్నచిన్న గొడవలు సహజమని వాటిని పరిష్కరించుకోవలే కానీ.. ఇలాంటి నిర్ణయాలు తీసుకోవటం తగదని సూచిస్తున్నారు.