ట్రెండింగ్
అంబటి రాంబాబుకి, శివరాం సవాల్
Andhra Pradesh Telugu | Suryaa Desk | Published : Thu, Apr 13, 2023, 04:52 PM
టీడీపీ నేత కోడెల శివరాం, మంత్రి అంబటి రాంబాబు పై సెటైర్లు వేశారు. నీటి పారుదల శాఖ మంత్రి నోటి పారుదల శాఖ మంత్రిగా మారారని వ్యాఖ్యానించారు. మంత్రి అంబటి రాంబాబు మాటలు తప్ప చేసేది శూన్యమని ఎద్దేవా చేశారు. స్వంత నియోజకవర్గంలో నీరు లేక పంటలు ఎండిపోతున్నా అంబటిలో చలనం లేదని ఆగ్రహం వ్యక్తం చేశారు. వరి పొట్ట దశలో ఉందని, ఇప్పుడు నీటిని నిలిపివేయడం రైతులకు పెద్ద దెబ్బని ఆవేదన వ్యక్తం చేశారు. ఇప్పుడు నీరు రాకపోతే రబీ పంటలు అన్ని ఎండిపోతాయని సూచించారు. మూడు రోజులలో సాగర్ కుడి కాలువకు నీరు విడుదల చేయాలని ఆయన డిమాండ్ చేశారు. నీరు విడుదల చేయకపోతే మంత్రి అంబటి ఇళ్లు ముట్టడిస్తామని హెచ్చరించారు.
|
|