ట్రెండింగ్
70వ రోజు కొనసాగుతున్న లోకేష్ పాదయాత్ర
Andhra Pradesh Telugu | Suryaa Desk | Published : Fri, Apr 14, 2023, 01:53 PM
కర్నూలు జిల్లా, డోన్ నియోజకవర్గం గుడిపాడు క్యాంప్ సైట్ నుంచి 70వ రోజు యువగళం పాదయాత్రను యువనేత నారా లోకేష్ ప్రారంభించారు. ముందుగా రాజ్యాంగ నిర్మాత అంబేద్కర్ జయంతి సందర్భంగా ఆయన చిత్రపటానికి పూలమాల వేసి నివాళులర్పించారు. ఈ కార్యక్రమంలో డోన్ టీడీపీ ఇంఛార్జ్ సుబ్బారెడ్డి, ఉమ్మడి కర్నూలు జిల్లా నేతలు పాల్గొన్నారు. ఈ రోజు సాయంత్రం ప్యాపిలి బీసీ కాలనీలో 900 కిలోమీటర్ల మైలురాయిని లోకేష్ చేరుకోనున్నారు. తమ అభిమాన నేతను కలిసి ప్రజలు తమ సమస్యలను చెప్పుకుంటున్నారు. టీడీపీ అధికారంలోకి రాగానే అన్ని సమస్యలు తీర్చుతామంటూ లోకేష్ హామీ ఇస్తూ ముందుకు సాగుతున్నారు.
|
|