నాటుసారా విక్రయిస్తున్న ముఠా అరెస్ట్, సరుకు స్వాధీనం
Andhra Pradesh Telugu | Suryaa Desk | Published : Mon, Apr 17, 2023, 02:01 PM
కర్నూలు జిల్లా, కోవెలకుంట్ల పట్టణ సమీపంలోని ముదిగేడుకు వెళ్లే రోడ్డులో రైల్వే బ్రిడ్జి వద్ద మట్కా, నాటుసారా వ్యాపారం నిర్వహించే ఇద్దరు వ్యక్తులను అదపులోకి తీసుకుని వారి వద్ద నుంచి రూ.2.5 లక్షల నగదు, 30 లీటర్ల సారా స్వాధీనం చేసుకున్నారు. వివరాల్లోకి వెళ్ళితే...... కోవెలకుంట్ల పట్టణంలోని బసిరెడ్డిబాయి వీధిలో కొందరు వ్యక్తులు మట్కా, నాటుసారా విక్రయిస్తున్నట్లు తమకు సమాచారం అందడంతో ఎస్‌ఐలు వెంకట్‌ రెడ్డి, మౌలాని పోలీస్‌ సిబ్బందిని పంపించడంతో ఆదివారం రైల్వే బ్రిడ్డి వద్ద కాపు కాచి గాజుల వెంకట నారాయణ, పెద్దయ్య అటుగా వస్తుండగా వారిని అదుపులోకి తీసుకోవడంతో మరో వ్యక్తి పరారయ్యాడు. అదుపులోకి తీసుకున్న ఇద్దరిని విచారించగా వారి వద్ద మట్కాకు సంబంధించి రూ.2.5 లక్షల నగదును, 30 లీటర్ల నాటుసారాను స్వాధీనం చేసుకున్నారు. వారిద్దరిని అరెస్టు చేసి కోవెలకుంట్ల మేజిస్ట్రేట్‌ ముందు హాజరుపరచగా వారిని మేజిస్ట్రేట్‌ రిమాండ్‌కు ఆదేశించడంతో ఆళ్లగడ్డ సబ్‌ జైలుకు తరలించారు.
|
|