ట్రెండింగ్
రోడ్డు ప్రమాదంలో మహిళ మృతి
Andhra Pradesh Telugu | Suryaa Desk | Published : Tue, Apr 18, 2023, 01:15 PM
మదనపల్లె , బి.కొత్తకోట మండలంలో ఘోర రోడ్డు ప్రమాదం చోటు చేసుకుంది. వివరాల్లోకి వెళ్ళితే..... కర్ణాటక రాష్ట్రం చింతామణి తాలూకా బాలిరెడ్డిపల్లెకు చెందిన బాబు, భార్య నీలమ్మ దంపతులకు ఇద్దరు పిల్లలు స్వప్న, ధనుష్‌లు ఉన్నారు. ఈనేపథ్యంలో శనివారం కుమారుడితో కలసి తంబళ్లపల్లె మండలం కోసువారిపల్లెలో జరిగే గంగజాతర కోసం నీలమ్మ బంధువుల ఇంటికి వచ్చి జాతర ముగించుకుని సోమవారం తన మేనల్లుడు పెద్దతిప్ప సముద్రం మండలం గొడుగువారిపల్లెకు చెందిన నవీన ద్విచక్ర వాహనంలో స్వగ్రామానికి బయలు దేరి వెళుతుండగా దారిలో ఎదురుగా వస్తున్న మరో ద్విచక్రవాహనం ఢీకొంది. ప్రమాదంలో వాహనం అదుపు తప్పి బోల్తాప డడంతో నీలమ్మ వాహనం నుంచి జారి కిందపడి అక్కడికక్కడే దుర్మరణం చెందింది. కుమారుడు ధనుష్‌(7)తీవ్రంగా గాయప డ్డాడు.
|
|