చంద్రబాబుతో ఆత్మీయంగా జేసీ ప్రభాకర్ రెడ్డి కుటుంబం ముచ్చట
Andhra Pradesh Telugu | Suryaa Desk | Published : Tue, Apr 18, 2023, 08:07 PM
ఇటీవల జేసీ ప్రభాకర్ రెడ్డి టీడీపీలో చాలా యాక్టివ్ గా మారారు. ఇదిలావుంటే కడపలో ఇవాళ తెలుగుదేశం పార్టీ జోన్-5 సమావేశం జరిగింది. టీడీపీ జాతీయ అధినేత చంద్రబాబునాయుడు ఈ సమావేశానికి హాజరయ్యారు. పార్టీ రాష్ట్ర అధ్యక్షుడు అచ్చెన్నాయుడు, జోన్-5 నియోజకవర్గాల ఇన్చార్జిలు, ఇతర ముఖ్య నేతలు ఈ కీలక సమావేశంలో పాల్గొన్నారు. ఈ కార్యక్రమానికి టీడీపీ నేత, తాడిపత్రి మున్సిపల్ చైర్మన్ జేసీ ప్రభాకర్ రెడ్డి, ఆయన తనయుడు జేసీ అస్మిత్ రెడ్డి కూడా వచ్చారు. తండ్రీకొడుకులు వేదికపై చంద్రబాబుతో ఆత్మీయంగా ముచ్చటించడం కనిపించింది. వారు చంద్రబాబుకు శాలువా కప్పి సన్మానించారు. ఆయనకు ఓ జ్ఞాపికను కూడా బహూకరించారు. ఈ సందర్భంగా చంద్రబాబు ఉల్లాసంగా కనిపించారు.
అంతకుముందు, సమావేశం ప్రారంభానికి ముందు చంద్రబాబు పార్టీ వ్యవస్థపాక అధ్యక్షుడు ఎన్టీ రామారావు విగ్రహానికి నివాళులు అర్పించారు. కాగా, జోన్-5 సమావేశం అనంతరం కడపలో జరిగే ఇఫ్తార్ విందుకు చంద్రబాబు హాజరవుతారు. అనంతరం బద్వేలు చేరుకుని రాత్రికి అక్కడే బస చేస్తారు.
|
|