ఆది ద్రావిడర్లకు రిజర్వేషన్లు కల్పించే దిశగా స్టాలిన్ సర్కార్ అడుగులు
national | Suryaa Desk | Published : Wed, Apr 19, 2023, 10:47 PM
తమిళనాడు అసెంబ్లీలో ముఖ్యమంత్రి ఎం.కె స్టాలిన్ బుధవారం ప్రవేశపెట్టిన తీర్మానాన్ని సభ్యులు ఆమోదించారు. క్రైస్తవ మతంలోకి మారిన షెడ్యూల్డ్ కులాల ప్రజలకు రిజర్వేషన్లతో సహా చట్టబద్ధమైన రక్షణ, హక్కులు, రాయితీలు కల్పించాలని.. అందుకోసం రాజ్యాంగాన్ని సవరించాలని కేంద్ర ప్రభుత్వాన్ని స్టాలిన్ కోరారు. కోయంబత్తూర్ సౌత్ బీజేపీ ఎమ్మెల్యే వనతీ శ్రీనివాసన్ ఈ తీర్మానాన్ని వ్యతిరేకిస్తూ.. తన పార్టీకి చెందిన ఇతర సభ్యులతో కలిసి వాకౌట్ చేశారు.
క్రైస్తవ మతంలోకి మారిన తర్వాత కూడా.. ఆది ద్రావిడర్లు అంటరానితనంతో సహా కుల దురాగతాలను ఎదుర్కొంటూనే ఉన్నారని.. స్టాలిన్ ఆవేదన వ్యక్తం చేశారు. ఈ సమస్యను అందరూ గమనించాలని కోరారు, 'రాజ్యాంగం ప్రకారం.. సిక్కు మతం, బౌద్ధమతంలోకి మారిన వారు తప్ప.. ఇతర వ్యక్తులు షెడ్యూల్డ్ కులాల హోదాను క్లెయిమ్ చేయలేరు. అయినా.. వారు చారిత్రాత్మకంగా షెడ్యూల్డ్ కులాలుగానే మిగిలిపోయారు. అందుకే.. SC కమ్యూనిటీలోని ఇతరులకు ఇచ్చిన ప్రయోజనాలను వారికి విస్తరించడం న్యాయమే. రిజర్వేషన్ల ద్వారా మాత్రమే వారు విద్య, ఉపాధిని పొందగలరు. సమాజంలో హోదా, అభివృద్ధిని సాధించగలరు' అని ముఖ్యమంత్రి స్టాలిన్ వ్యాఖ్యానించారు.
|
|