అకాల వర్షాలతో భయాందోళనకు గురవుతున్న రైతులు
Andhra Pradesh Telugu | Suryaa Desk | Published : Tue, Apr 25, 2023, 12:28 PM
అకాల వర్షం, ఈదురు గాలులతో రైతులు భయాందోళనకు గురవుతున్నారు. బాపట్ల జిల్లా వేమూరు నియోజకవర్గ పరిధిలోని వేమూరు, కొల్లూరు, భట్టిప్రోలు, చుండూరు మండల పరిధిలోని ఆయా గ్రామాల్లో ఆరుగాలం పండించిన పంట చేతికొచ్చే తరుణంలో ఈ అకాల వర్షాలతో రైతులు నానా ఇబ్బందులు ఎదుర్కోవాల్సిన పరిస్థితులు ఏర్పడ్డాయి. ఉన్నట్టుండి సోమవారం రాత్రి ఒకసారి కారు మబ్బులు కమ్మి ఈదురు గాలులతో కురుస్తున్న అకాల వర్షాలతో కల్లాల్లో ఉన్న జొన్న, మొక్కజొన్న పంట రక్షించుకునేందుకు రైతులు నిద్ర పాటున లేచి కుటుంబ సభ్యులతో కలిసి కల్లాల వైపు పరుగులు తీస్తున్నారు. ఇప్పటివరకు ఎన్నో వ్యయ ప్రయాసలనోర్చి జొన్న, మొక్కజొన్న పంటలు పండించామని ఈ అకాల వర్షాలతో నానా ఇబ్బందులు ఎదుర్కోవాల్సిన పరిస్థితి ఎదురవుతుందని రైతులు ఆవేదన వ్యక్తం చేస్తున్నారు.
|
|