టీచర్స్ కి వేసవి సెలవులు లేవు
Andhra Pradesh Telugu | Suryaa Desk | Published : Tue, May 02, 2023, 03:21 PM
వేసవి సెలవుల్లో కూడా ప్రభుత్వ టీచర్స్ కు ప్రభుత్వం పని పెట్టింది. టీచర్లంతా వారి తరగతుల విద్యార్థులతో వేర్వేరుగా వాట్సాప్ గ్రూపులను ఏర్పాటుచేయాలి. వేసవి సెలవుల్లో విద్యార్థులు ఒక నోట్ బుక్ నిర్వహించేలా చూడాలి. పాఠశాలల పునఃప్రారంభ సమయంలో వాటిని సమర్పించాలి. టీచర్లు రోజూ విద్యార్థులతో టచ్లో ఉంటూ, వారి కార్యకలాపాలు పర్యవేక్షిస్తూ, ప్రోత్సహించాలి. విద్యార్థులు చేసే పనులను ఫొటోలు, వీడియోలు, నివేదికల రూపంలో సేకరించాలి. ఇందుకోసం వేర్వేరుగా కార్యాచరణ షెడ్యూలు తయారు చేసుకుని విద్యార్థులను, వారి తల్లిదండ్రులను ఇందులో భాగస్వామ్యం చేయాలి. పుస్తకాలు చదివేలా విద్యార్థులను ప్రోత్సహిస్తూ, వారికి కొన్ని పుస్తకాలు సూచించాలి. విద్యార్థులు వారి సమీప గ్రంథాలయాలకు వెళ్లి పుస్తకాలు తెచ్చుకోవడంపై అవగాహన కల్పించాలి. కొన్ని అంశాలపై ఆన్లైన్ తరగతులు, వెబినార్లు నిర్వహించాలి. విద్యార్థుల్లో సృజనాత్మకత పెంచేందుకు ప్రాజెక్టులు అప్పగించాలి. క్రీడలు, డ్యాన్స్, యోగాలో విద్యార్థులు పాల్గొనేలా చూడాలి. ఈ కార్యకలాపాలను పాఠశాల విద్య వెబ్సైట్లో లేదా ఆ శాఖ సోషల్ మీడియాలో ప్రదర్శించాలి.
|
|