ట్రెండింగ్
సోషల్ మీడియాలో వైరల్‌ అవుతున్న తిరుమల శ్రీవారి చిత్రాలు
Andhra Pradesh Telugu | Suryaa Desk | Published : Mon, May 08, 2023, 01:13 PM
తిరుమల శ్రీవారి ఆలయంలో మూడు అంచెల భద్రతను దాటి మరీ ఓ భక్తుడు మొబైల్ ఫోన్‌తో శ్రీవారి ఆలయంలోకి ప్రవేశించాడు. మొబైల్ ఫోన్‌తో వెళ్లిన సదరు భక్తుడు శ్రీవారి ఆలయంలో హల్‌చల్ చేశాడు. ఆలయంలో నలువైపుల నుంచి ఆనంద నిలయాన్ని ఫోన్‌తో చిత్రీకరించాడు. అంతటితో ఆగకుండా ఆ దృశ్యాలను సోషల్ మీడియాలో పోస్ట్ చేశాడు. ప్రస్తుతం ఆనంద నిలయం విజువల్స్ సోషల్ మీడియాలో వైరల్‌ అవుతున్నాయి. వీడియోలో చూసినట్లైతే.. వర్షం పడుతున్న సమయంలో ఆనంద నిలయాన్ని అతి సమీపంలో నుంచి భక్తుడు వీడియో తీసినట్లు తెలుస్తోంది. అయితే భక్తుడు శ్రీవారి ఆలయంలో ఇంకేమైనా చిత్రికరించాడా అన్న దానిపై సస్పెన్స్ కొనసాగుతోంది. కాగా.. గత రాత్రి శ్రీవారి ఆలయంలోకి భక్తుడు మొబైల్ ఫోన్‌తో ప్రవేశించాడా అనేది తేలాల్సి ఉంది.
|
|