ట్రెండింగ్
పలు రైళ్ల దారి మళ్లింపు
Andhra Pradesh Telugu | Suryaa Desk | Published : Wed, May 10, 2023, 11:12 AM
దక్షిణ మధ్య రైల్వేలో గన్నవరం- ముస్తాబాద - గుణదల సెక్షన్లో ఆధునికీకరణ పనుల కారణంగా పలు రైళ్లను దారి మళ్లించి నడపనున్నట్లు వాల్తేర్ సీనియర్ డీసీఎం ఎ. కె. త్రిపాఠి బుదవారం తెలిపారు. ఈ నెల 10, 13, 14 తేదీల్లో విశాఖ- గుంటూరు (17240) సింహాద్రి ఎక్స్ ప్రెస్ 12, 13 తేదీల్లో ధన్బాద్- 3 అలెప్పి (13351) బొకారో ఎక్స్ ప్రెస్, 12న టాటానగర్- ఎస్ఎంవీ బెంగళూరు(12889), 13న హటియా-ఎస్ఎంవీ బెంగళూరు (18637) రైళ్లు వయా నిడదవోలు, భీమవరం టౌన్, గుడివాడ, విజయవాడ మీదుగా నడుస్తాయన్నారు. ఆయా తేదీల్లో ఈ రైళ్లకు ఉన్న తాడేపల్లిగూడెం, భీమడోలు, ఏలూరు, పవర్పేట, నూజివీడు స్టేషన్ల స్టాపేజీలను రద్దు చేసినట్లు వెల్లడించారు. ప్రయాణికులు గమనించి సహకరించాలని కోరారు.
|
|