ఆడపిల్లల భద్రతపై అప్రమత్తంగా ఉండాలి
Andhra Pradesh Telugu | Suryaa Desk | Published : Tue, May 16, 2023, 01:23 PM
బాల్య వివాహాలను అరికట్టాలని కర్నూలు కలెక్టర్ డా.జి.సృజన అన్నారు. సోమవారం కలెక్టరేట్లోని వీసీ హాల్లో సోషియల్ బిహేవియర్ చేంజ్ కమ్యూనికేషన్ సెల్ సమావేశం నిర్వహించారు. ఈ సందర్భంగా కలెక్టర్ మాట్లాడుతూ పేదరికం, నిరక్షరాస్యత, వలసలు, మూఢ నమ్మకాలు, ఆడపిల్లల భద్రత తదితర కారణాల వల్ల బాల్య వివాహాలు జరుగుతున్నా యన్నారు. బాల్య వివాహాల నివారణకు రాష్ట్రంలోని ఉన్న మహిళా కలెక్టర్లు, మహిళా ఎస్పీలతో రాష్ట్ర ప్రభుత్వం కమిటీ ఏర్పాటు చేసిందన్నారు. బాల్య వివాహాలు చట్టరీత్యా నేరమని, బాలికలకు 18 ఏళ్లలోపు, బాలురకు 21 ఏళ్లలోపు వివాహాలు జరగకూడదన్నారు. ఆడపిల్లలకు చిన్న వయస్సులో వివాహాలు చేయడం వల్ల మాతృ మరణాలు సంభవిస్తున్నాయన్నారు. బాల్య వివాహాల సమాచారాన్ని 1902 నెంబర్కు కాల్ చేసి చెప్పవచ్చన్నారు. సమావేశంలో జేసీ ఎన్.మౌర్య, డీఎల్డీవో బాలకృష్ణారెడ్డి పాల్గొన్నారు.
|
|