స్పా ముసుగులో వ్యభిచారం,,,పెనమలూరులో మాసాజ్ సెంటర్లపై పోలీసుల దాడులు
Andhra Pradesh Telugu | Suryaa Desk | Published : Sun, May 21, 2023, 09:20 PM
కృష్ణా జిల్లా పెనమలూరు నియోజకవర్గంలో మూడు మసాజ్ సెంటర్లపై పోలీసులు మెరుపు దాడి చేశారు. తాడిగడప మున్సిపాలిటీ పరిధిలోని మసాజ్ కేంద్రాలపై శనివారం రాత్రి పోలీసులు దాడులు చేశారు. ఈ దాడుల్లో మెుత్తం 19 మందిని పోలీసులు అదుపులోకి తీసుకున్నారు. తాడిగడప వందడుగుల రోడ్డులోని ఓ మసాజ్ కేంద్రం, పోరంకిలోని మరో మసాజ్ సెంటర్‌తో పాటు ఇంజినీరింగ్‌ కాలేజీ ఎదురుగా శ్రీనివాస నగర్‌ కాలనీలో మరో సెంటర్‌పై దాడులు నిర్వహించారు.
అయితే ఈ సెంటర్ నిర్వహిస్తున్న ఇల్లు పెనమలూరు పోలీస్‌స్టేషన్‌లో హెడ్ కానిస్టేబుల్‌గా పని చేస్తున్న కిషోర్‌దిగా తెలిసింది. అతడు ఆ ఇంటిని అద్దెకు ఇచ్చినట్లు సమాచారం. అద్దెకు ఇచ్చిన ఇంట్లో ఒక కేంద్రం, పోరంకిలో మరో ఇంటిని అద్దెకు తీసుకొని హెడ్ కానిస్టేబుల్ కిషోర్ గుట్టు చప్పుడు కాకుండా మసాజ్ కేంద్రం నిర్వహిస్తున్నట్లు సమాచారం. మసాజ్ ముసుగులో ఈ కేంద్రాల్లో వ్యభిచారం జరుగుతుందన్న ఆరోపణలు కూడా వినిపిస్తున్నాయి.
స్థానికులు ఇచ్చిన ఫిర్యాదుల మేరకు రంగంలోకి దిగిన పోలీసులు.. కేంద్రాలపై నిఘా ఉంచి దాడులు నిర్వహించారు. దాడుల్లో 12 మంది యువతులు, ఏడుగురు పురుషులు కలిపి మెుత్తం 19 మందిని అదుపులోకి తీసుకున్నారు. హెడ్ కానిస్టేబుల్ కిషోర్‌పై జిల్లా ఎస్పీ జాషువా డిపార్ట్‌మెంట్ ఎంక్వైరీకి ఆదేశించినట్లు స్థానిక సీఐ తెలిపారు.
|
|