వైసీపీ ఎమ్మెల్యే జగన్ మోహన్ రావుపై కేశినేని నాని పొగడ్తల వర్షం
Andhra Pradesh Telugu | Suryaa Desk | Published : Sun, May 21, 2023, 09:23 PM
వైసీపీ ఎమ్మెల్యే జగన్ మోహన్ రావు ప్రజా సమస్యలపై పోరాడుతూ.. అభివృద్ధిలో ముందుంటారని టీడీపీ ఎంపీ కేశినేని నాని ప్రశంసించారు.. టీడీపీ, వైసీపీ సిద్ధాంతాలు వేరైనా.. అభివృద్ధి కోసం కలిసి పని చేస్తాం అని ఎంపీ కేశినేని నాని స్పష్టం చేశారు. చందర్లపాడు మండలం తోటరావులపాడులో.. వైసీపీ ఎమ్మెల్యేతో కలిసి వాటర్ ట్యాంక్‌ను ప్రారంభించిన కేశినేని నాని.. ఈ సందర్భంగా కీలక వ్యాఖ్యలు చేశారు. 'రాజకీయం అనేది ఎలక్షన్స్ వరకే పరిమితం అవ్వాలి. ఎమ్మెల్యే జగన్ మోహన్ రావు ప్రజా సమస్యలపై పోరాడుతూ.. అభివృద్ధిలో ముందు ఉంటారు. టీడీపీ, వైసీపీ సిద్ధాంతాలు వేరు. అయినా అభివృద్ధి కోసం కలిసి పనిచేస్తాం. అభివృద్ధి కార్యక్రమంలో కలిసి పనిచేసిన టీడీపీ, వైసీపీ నాయకులకు, అధికారులకు ధన్యావాదాలు. అధికార, ప్రతిపక్ష పార్టీలు ఇదే విధంగా కలిసి పనిచేస్తే.. దేశం చాలా అభివృద్ధి చెందుతుంది' అని ఎంపీ కేశినేని నాని వ్యాఖ్యానించారు.
ఇటు కేశినేని నానిపై ఎమ్మెల్యే జగన్ మోహన్ రావు కూడా పొగడ్తలు కురిపించారు. 'టాటా ట్రస్ట్‌ను తీసుకొచ్చి.. ప్రజలకు సేవా చేసిన ఘనత కేశినేని నానిదే. ఒక్కసారి ఎమ్మెల్యే అయిన తర్వాత.. ఏ ప్రభుత్వం వచ్చినా ప్రజల కోసం పని చేయాలి. కులాలకు, మతాలకు, రాజకీయాలకు అతీతంగా ఎంపీ కేశినేని నాని, మేము అడుగుల వేస్తున్నాం. ఆరోగ్యకరమైన రాజకీయాలు చేస్తున్నాం. కాబట్టే ఒకరితో ఒకరు మాట్లాడుకోగలుగుతున్నాం' అని ఎమ్మెల్యే జగన్ మోహన్ రావు వ్యాఖ్యానించారు.
|
|