ధాన్యం బస్తాల మాటున గంజాయి,,,,వెయ్యి కేజీలు సీజ్ చేసిన టాస్క్ఫోర్స్
Andhra Pradesh Telugu | Suryaa Desk | Published : Mon, May 22, 2023, 06:19 PM
పుష్ప సినిమాలో ఎర్రచందనాన్ని ఊరి దాటించేందుకు కొత్త, కొత్త మార్గాలను ఎంచుకుంటున్నట్లుగానే.. ఇక్కడా గంజాయిని అక్రమంగా రవాణా చేసేందుకు రూటు మార్చారు. ఓ వ్యాన్లో వరి ధాన్యం బస్తాల కింద అక్రమంగా తరలిస్తున్న వెయ్యి కిలోల గంజాయిని విశాఖ సిటీ టాస్క్ ఫోర్స్ సీజ్ చేసింది. గంజాయి గ్యాంగ్ 19 పెద్ద ప్లాస్టిక్ సంచులలో వెయ్యి కిలోలో గంజాయిని తరలిస్తున్నారు. టాస్క్ఫోర్స్ పోలీసులు ఆ వ్యాన్ను పెందుర్తి-ఆనందపురం హైవేపై సొంటియం రోడ్డు దగ్గర ఆపారు. అనుమానంతో తనిఖీ చేస్తే.. ధాన్యం బస్తాల కింద గంజాయి ఉన్నట్లు తేలింది.
విశాఖ నుంచి గంజాయిని తరలిస్తున్నారని సమాచారంతో తనిఖీలు చేశామని.. భారీగా గంజాయిని సీజ్ చేశామని పోలీసులు తెలిపారు. అంతేకాదు గంజాయిని రవాణా చేస్తున్న గ్యాగ్లు కూడా అతి తెలివిని ప్రదర్శిస్తున్నారు. పోలీసులు, SEB, టాస్క్ఫోర్స్లకు దొరక్కుండా.. కొత్త ఎత్తులు మొదలుపెట్టారు. కూరగాయలు, ఇతర సరుకులు రవాణా చేసే వాహనాల్లో తీసుకెళుతున్నారు. అంతేకాదు గంజాయి పోలీసుల కంటపడకుండా ఉండేందుకు వాహనాలకు ప్రత్యేకంగా ఏర్పాట్లు చేసుకుంటున్నారు. ఇటీవల వాహనంలో ఏకంగా ప్రత్యేకంగా ఓ అరను ఏర్పాటు చేశారు. ఇటూ నిఘా కూడా పెంచారు.
|
|