సతీసమేతంగా చిరంజీవి ఇంటికి వెళ్లిన మాజీ జేడీ
Andhra Pradesh Telugu | Suryaa Desk | Published : Tue, May 30, 2023, 06:00 PM
సీబీఐ మాజీ జేడీ లక్ష్మీ నారాయణ సతీసమేతంగా మెగాస్టార్ చిరంజీవిని కలిశారు. లక్ష్మీనారాయణ భార్య ఊర్మిళతో కలిసి వీరి కుమార్తె వివాహానికి మెగాస్టార్ చిరంజీవి ఇంటికి వెళ్లి.. చిరంజీవి, సురేఖ దంపతుల్ని ఆహ్వానించారు. ప్రియాంక వివాహానికి లక్ష్మీనారాయణ పలువురు ప్రముఖుల్ని కూడా ఆహ్వానించారు. జేడీ లక్ష్మీనారాయణ కుమార్తె ప్రియాంక సామాజిక సేవా కార్యక్రమాల్లో పాల్గొంటున్నారు.
ప్రియాంక రాజకీయాల్లోకి కూడా అడుగుపెడతారని ప్రచారం జరిగింది. లక్ష్మీనారాయణతో పాటూ ఆమె కూడా విశాఖ నుంచి పోటీ చేస్తారని పొలిటికల్ సర్కిల్స్‌లో టాక్ నడిచింది. లక్ష్మీనారాయణ లోక్‌సభ.. ప్రియాంకను అసెంబ్లీకి బరిలో ఉంటారని ఊహాగానాలు వినిపించాయి. లక్ష్మీనారాయణ మాత్రం ఇప్పటి వరకు ఈ ప్రచారంపై స్పందించలేదు.
లక్ష్మీనారాయణ వచ్చే ఎన్నికల్లో విశాఖ నుంచి పోటీ చేయడం ఖాయమని ప్రకటించిన సంగతి తెలిసిందే. ఏ పార్టీ నుంచి పోటీ చేస్తారనదే మాత్రం క్లారిటీ ఇవ్వలేదు. ఆ సమయానికి తన ఆలోచనలకు దగ్గరగా ఉండే పార్టీలో చేరి పోటీ చేస్తానని.. ఒకవేళ కుదరని పక్షంలో స్వతంత్ర అభ్యర్థిగా బరిలో ఉంటానని చెప్పారు.
|
|