ట్రెండింగ్
ఆ ఘటనలో 288 మంది మరణించారు.... కేంద్రమంత్రి అశ్వినీ వైష్ణవ్ వెల్లడి
national | Suryaa Desk | Published : Sun, Jun 04, 2023, 10:14 PM
ఒడిశాలో కోరమాండల్ ఎక్స్‌ప్రెస్, గూడ్సు రైలు, హౌరా - బెంగళూరు ఎక్స్‌ప్రెస్ రైళ్లు ఢీకొన్న ఘటనలో 288 మంది మరణించినట్లు రైల్వే శాఖ మంత్రి అశ్వినీ వైష్ణవ్ వెల్లడించారు. 1175 మంది గాయపడినట్లు తెలిపారు. వీరిలో కొంతమంది ఆస్పత్రుల్లో చికిత్స పొందుతున్నారని.. మరికొందరు డిశ్చార్జ్ అయ్యి ఇళ్లకు వెళ్లిపోయారని పేర్కొన్నారు. అయితే ఎలక్ట్రానిక్ ఇంటర్‌లాకింగ్ సిస్టమ్‌లో మార్పు చోటు చేసుకోవడంతోనే ఈ ప్రమాదం జరిగిందని అశ్విని వైష్ణవ్ వివరించారు. ఘటనపై దర్యాప్తు జరుగుతోందని అది పూర్తయిన తర్వాత పూర్తి వివరాలు చెబుతామని అన్నారు.
|
|