ట్రెండింగ్
ట్రాక్టర్ బోల్తాపడి ఆరుగురి మరణం.... గుంటూరు జిల్లాలో విషాధం
Andhra Pradesh Telugu | Suryaa Desk | Published : Mon, Jun 05, 2023, 06:11 PM
గుంటూరు జిల్లా వట్టిచెరుకూరులో ట్రాక్టర్ పంట కాలువలోకి దూసుకెళ్లి బోల్తా పడింది. ఈ ఘటనలో ఆరుగురు మృతి చెందగా.. దాదాపు 20 మంది గాయపడ్డారు. ముగ్గురు సంఘటనా స్థలంలోనే మృతి చెందగా.. క్షతగాత్రులను గుంటూరు జీజీహెచ్‌కు తరలించారు. ఆస్పత్రికి తరలిస్తుండగా మార్గం మధ్యలో మరో ముగ్గురు చనిపోయారు. ట్రాక్టర్‌లో సుమారు 40 మంది చేబ్రోలు మండలం జూపూడికి శుభకార్యానికి వెళ్తుండగా ఈ ప్రమాదం జరిగింది.
బాధితులను ప్రత్తిపాడు మండలం కొండెపాడు వాసులుగా గుర్తించారు. మృతులు మిక్కిలి నాగమ్మ, మామిడి జాన్సీరాణి, కట్టా నిర్మల, గరికపూడి మేరిమ్మ, గరికపూడి రత్నకుమారి, గరికపూడి సుహాసినిగా గుర్తించారు. ఈ ఘటనలో మృతుల సంఖ్య మరింత పెరిగే అవకాశముంది. ఈ ఘటనకు సంబంధించి పూర్తి వివరాలు తెలియాల్సి ఉంది.
|
|