నాటు పడవ మునిగి ఇద్దరు గల్లంతు.. ఒకరు మృతి
Andhra Pradesh Telugu | Suryaa Desk | Published : Fri, Jun 09, 2023, 02:16 PM
అల్లూరి జిల్లా జీకే వీధి మండలంఏవోబి సరిహద్దుల్లో గురువారం సీలేరు నదిలో నాటు పడవ మునిగి ఇద్దరు గల్లంతు అయ్యారు. మరో ముగ్గురుని స్థానికులు అగ్నిమాపక సిబ్బంది రక్షించారు. మల్కన్ గిరి జిల్లా డిండి గూడ గ్రామానికి చెందిన కొందరు ఆంధ్రాలో గల పడాల్ పుట్ గ్రామంలో వివాహ కార్యక్రమానికి హాజరై తిరిగి నాటు పడవపై సాజిత్ కిండిగ, బలరాం కిండిగ, రామ్ కిండిగ, గోపాల్ కిండిగ, లచ్చ కిండిగ లు ప్రయాణమయ్యారు. సింధు గూడ సమీపంలో నాటు పడవ బోల్తా పడింది. స్థానికులు చూసి ముదిలిపొడ పోలీసులకు, ఖైర్ పుట్ అగ్నిమాపక సిబ్బందికి సమాచారం అందించారు. అగ్నిమాపక సిబ్బంది, స్థానికులతో కలిసి రామ్ కిండిగ, గోపాల్ కిండిగ, లచ్చ కిండిగ లను రక్షించగా ఒకరు మృతి చెందారు. సాజిత్ కిండిగ, బలరాం కిండిగ, అనే ఇద్దరు గల్లంతయ్యారు వీరి కోసం గాలింపు చర్యలు కొనసాగుతున్నాయి. పరిమితికి మించి నాటు పడవలో ప్రయాణించడమే ప్రమాదానికి కారణమని పోలీసులు తెలిపారు.
|
|