దొంద నెంబర్ తో వచ్చి కారు లో పెట్రోల్ పోయంచికుని ఉడాయించాడు
Andhra Pradesh Telugu | Suryaa Desk | Published : Sat, Jun 10, 2023, 08:20 PM
ఓ వ్యక్తికి ఊహించని అనుభవం ఎదురైంది.. అతడికి పోలీసుల నుంచి ఫోన్ కాల్ వచ్చింది. కారులో పెట్రోల్ పోయించుకుని పారిపోయినందుకు కేసు నమోదు చేస్తున్నామని చెప్పడంతో ఆయన అవాక్కయ్యాడు. ఆ తర్వాత ఆరా తీస్తే అసలు విషయం తెలిసి అందరూ అవాక్కయ్యారు. నల్గొండ జిల్లా మాదుగులపల్లె పోలీస్‌ స్టేషన్‌ పరిధిలో పెట్రోల్ బంకు ఉంది.. ఈ క్రమంలో గురువారం ‘AP07 DY 7496’ నంబరున్న కారు బంకులోకి వచ్చింది.
కారులో వచ్చిన వ్యక్తి రూ.3 వేలు విలువైన పెట్రోల్ పోయించుకున్నాడు.. కానీ డబ్బు చెల్లించకుండా అక్కడి నుంచి పారిపోయాడు. వెంటనే పెట్రోల్ బంక్‌ యజమాని పోలీసులకు ఫిర్యాదు చేశారు. దీంతో పోలీసులు కారు నంబరు ఆధారంగా వివరాలను ఆన్‌లైన్‌లో పరిశీలిస్తే దుగ్గిరాల మండలం కంఠంరాజుకొండూరుకు మల్లేశ్వరరావు పేరుతో ఉంది. అతడికి ఫోన్ కాల్ చేసి జరిగిన విషయం చెప్పారు.
కారులో రూ.3 వేలు పెట్రోలు పోయించుకుని డబ్బుకట్టకుండా వెళ్లిపోయినందుకు కేసు నమోదు చేస్తామన్నారు. దీంతో అతడు అవాక్కయ్యాడు. మల్లేశ్వరరావు మాత్రం ఆ నంబరు తన పొక్లయినర్‌దని.. తన కారు నంబరు వేరే అని సమాధానం ఇచ్చాడు. ఆ కారుకు పొక్లయినర్‌ నంబరును వేసుకుని ఆ వ్యక్తి తిరుగుతున్నాడని గుర్తించారు. ఈ ఘటన స్థానికంగా కలకలంరేపుతోంది. .
|
|