ట్రెండింగ్
కోనసీమలో వానల కోసం కప్పలకి పెళ్లి
Andhra Pradesh Telugu | Suryaa Desk | Published : Wed, Jun 14, 2023, 04:13 PM
వరుణుడి కటాక్షం కోసం డాక్టర్‌ బీఆర్‌ అంబేడ్కర్‌ కోనసీమ జిల్లా కొత్తపేట మండలం వాడపాలెంలో మంగళవారం పురోహితుడు పెద్దింటి రామం ఆధ్వర్యంలో కప్పలకు పెండ్లి మహోత్సవం ఘనంగా నిర్వహించారు. ఈ సందర్భంగా కప్పలను బాజాభజంత్రీల నడుమ ఊరేగింపుగా పెద్ద చెరువుకు తీసుకెళ్లి, రైతులు, మహిళలు, గ్రామస్థుల సమక్షంలో పెండ్లి తంతు నిర్వహించారు. ఈ సందర్భంగా రామం మాట్లాడుతూ ప్రాచీన కాలంలో వరుణిడి కటాక్షం కోసం యజ్ఞ,యాగాదు క్రతువులు నిర్వహించేవారన్నారు. ప్రస్తుత సమాజంలో పంటలు బాగా పండేందుకు, వేసవి తాపం నుంచి ప్రజలు ఉపశమనం పొందేందుకు రైతుల ఆధ్వర్యంలో గ్రామాల్లో కప్పలకు పెండ్లి కార్యక్రమాలు నిర్వహిస్తుంటారని అన్నారు. అందులో భాగంగా వాడపాలెంలో కప్పలకు పెండ్లి తంతు నిర్వహించామన్నారు.
|
|