జగనన్న ఆణిముత్యాలు కార్యక్రమాన్ని ప్రారంభించిన సీఎం జగన్
Andhra Pradesh Telugu | Suryaa Desk | Published : Tue, Jun 20, 2023, 03:14 PM
‘‘మట్టి నుంచి గట్టిగా పెరిగిన ఈ మొక్కలు మహావృక్షాలై ప్రపంచానికే అభివృద్ధి ఫలాలు అందించాలని కోరుకుంటున్నా. చదువులమ్మ గుడులుగా మారుతున్న గవర్నమెంట్‌ బడుల నుంచి టెన్త్, ఇంటర్‌ టాపర్లుగా నిలిచిన ఆణిముత్యాలకు, విద్యారత్నాలకు, మన భావి ప్రపంచ పౌరులకు నిండుమనసుతో, గుండెల నిండ ప్రేమతో మీ జగన్ మామ హృదయపూర్వక అభినందనలు తెలియజేస్తున్నాడు’’ అని ముఖ్యమంత్రి వైయస్‌ జగన్‌మోహన్‌రెడ్డి అన్నారు. టెన్త్ ఇంటర్మీడియట్‌ ఫలితాల్లో రాష్ట్ర, జిల్లా, నియోజకవర్గ, స్కూల్‌ స్థాయిల్లో టాప్‌–3 ర్యాంకర్లుగా నిలిచిన విద్యార్థులను సత్కరించే ‘జగనన్న ఆణిముత్యాలు’ కార్యక్రమాన్ని సీఎం వైయస్‌ జగన్ విజయవాడలో ప్రారంభించారు. ఈ సందర్భంగా విద్యార్థులకు స్ఫూర్తిదాయక సందేశాన్ని వినిపించారు. ప్రభుత్వ బడుల్లో, విద్యారంగంలో జరుగుతున్న మార్పులను, పిల్లలకు క్వాలిటీ ఆఫ్‌ ఎడ్యుకేషన్‌ అందించడం కోసం ప్రభుత్వం వేస్తున్న అడుగులను ఈ సందర్భంగా సీఎం వైయస్‌ జగన్ వివరించారు.
|
|