హోటల్‌ రూమ్‌లో ప్రియురాలితో భర్తను చూసిన భార్య,,,ప్రియురాలికి రోడ్డుపైనే దేహశుద్ధి

వివాహేతర సంబంధం భార్యాభర్తల మధ్య ఎన్ని గొడవలకు దారితీస్తుందో మనం ఎన్నో సంఘటనలను ప్రత్యక్షంగా చూశాం. భార్య, భర్తల వివాహేతర సంబంధం కారణంగా కాపురాలు కూలిపోయిన ఘటనలు నిత్యం జరుగుతూనే ఉన్నాయి. తాజాగా జరిగిన ఓ ఘటనలో భర్త విషయం తెలిసి భార్య శివాలెత్తింది. ఓ హోటల్ రూమ్‌లో ప్రియురాలితో ఏకాంతంగా ఉన్న తన భర్తను చూసిన భార్య.. వారిని అక్కడే చితకబాదింది. అనంతరం పోలీస్ స్టేషన్‌కు తీసుకెళ్లింది. ఈ ఘటన పశ్చిమ బెంగాల్‌లో జరిగింది.

పశ్చిమ బెంగాల్‌లోని అసన్‌సోల్‌ జిల్లాలో ఈ సంఘటన జరిగింది. ఓ వ్యక్తి తన ప్రియురాలితో కలిసి హోటల్ రూమ్‌కు వెళ్లాడు. వారిద్దరూ గదిలో ఏకాంతంగా ఉండగా.. ఈ విషయం ఆ వ్యక్తి భార్యకు తెలిసింది. దీంతో ఆమె వెంటనే ఆ హోటల్‌కు చేరుకుంది. తన భర్త మరో మహిళతో ఏకాంతంగా ఉండడాన్ని రెడ్ హ్యాండెడ్‌గా పట్టుకుంది. అనంతరం వారిని అక్కడే చితకబాదింది. వారిని అలాగే కొట్టుకుంటూ రోడ్డుపైకి తీసుకువచ్చింది. అక్కడి నుంచి దగ్గర్లో ఉన్న పోలీస్ స్టేషన్‌కు కొట్టుకుంటూ తీసుకెళ్లింది. దీనికి సంబంధించిన వీడియో ప్రస్తుతం సోషల్ మీడియాలో వైరల్‌గా మారింది.

తన భర్తతో సన్నిహితంగా ఉన్న మహిళను అతని భార్య తీవ్రంగా కొట్టినట్లు ఆ వీడియోలో తెలుస్తోంది. తన చేతిలో ఉన్న హెల్మెట్‌తో ఆ మహిళపై తీవ్రంగా కొట్టింది. అనంతరం పిడిగుద్దులు కురిపించింది. కడుపులో తన్నింది. జుట్టు పట్టుకుని ఇష్టం వచ్చినట్లు కొట్టింది. తనతో వచ్చిన మరో ఇద్దరు.. ఆమె భర్తపై దాడి చేశారు. అలాగే వారిద్దరినీ సమీపంలో ఉన్న పోలీస్ స్టేషన్‌కు తీసుకెళ్లారు. ఈ ఘటనపై సోషల్ మీడియాలో పెద్ద చర్చ జరుగుతోంది. తన భర్తను అదుపులో ఉంచుకోవాలని కొంత మంది కామెంట్ చేస్తుండగా.. ఇద్దరికీ దేహశుద్ధి చేసి ఆ మహిళ మంచి పనిచేసిందని మరొకొంత మంది పేర్కొన్నారు.