నరేంద్ర మోదీ నివాసంపై డ్రోన్ కలకలం
national | Suryaa Desk | Published : Mon, Jul 03, 2023, 10:37 PM
ప్రధాని నరేంద్ర మోదీ నివాసంపై ఓ డ్రోన్ చక్కర్లు కొట్టడం కలకలం రేగుతోంది. సోమవారం ఉదయం 5 గంటల ప్రాంతంలో ఓ డ్రోన్ ప్రధాని నివాసం మీదుగా డ్రోన్ ఎగురుతుండటం ప్రత్యేక భద్రతా విభాగం అధికారులు గుర్తించారు. న్లో ఫ్లైయింగ్ జోన్‌లో డ్రోన్ ఎగిరినట్టు ఢిల్లీ పోలీసులకు సమాచారం ఇచ్చారు. దీంతో అప్రమత్తమైన ఢిల్లీ పోలీసులు.. రంగంలోకి దిగారు. డ్రోన్ కోసం సెర్చ్ ఆపరేషన్ మొదలుపెట్టారు. అయితే, ఇప్పటి వరకూ ఆ డ్రోన్‌ను పోలీసులు గుర్తించలేదని తెలుస్తోంది. ప్రధాని నివాసం నో ఫ్లై జోన్ లేదా నో డ్రోన్ జోన్‌లోకి వస్తుంది. ఈ నేపథ్యంలో డ్రోన్ రావడంతో అధికారులు ఉలిక్కిపడ్డారు. ఆ సమయంలో ప్రధాని నరేంద్ర మోదీ ఇంటిలోనే ఉన్నారు. ఘటన గురించి పూర్తి వివరాలు ఇంకా తెలియాల్సి ఉంది.
అయితే, పోలీసులు, ఇతర భద్రతా ఏజెన్సీలు, ఎయిర్ ట్రాఫిక్ కంట్రోల్ అనుమానాస్పదంగా ఏమీ కనుగొనలేదని సీనియర్ అధికారి ఒకరు తెలిపారు. ‘ప్రధాన మంత్రి నివాసానికి సమీపంలోని గుర్తుతెలియని ఫ్లయింగ్ ఆబ్జెట్‌కు సంబంధించి కంట్రోల్ రూమ్‌కు సమాచారం అందింది. సమీప ప్రాంతాల్లో క్షుణ్ణంగా సోదాలు చేశారు, కానీ అలాంటి వస్తువు ఏదీ కనిపించలేదు.. ఎయిర్ ట్రాఫిక్ కంట్రోల్ రూమ్ ని కూడా సంప్రదించారు.. వారు కూడా ప్రధాని నివాసానికి సమీపంలో ఎగిరే వస్తువు ఏదీ కనుగొనలేదు’ అని ఢిల్లీ పోలీసులు ఒక ప్రకటనలో తెలిపారు.
|
|