నేనెప్పుడు చస్తానో నాకే తెలియదు,,,పవన్ కళ్యాణ్ భావోద్వేగం

ఓ విప్లవ కారుడిగా నేను ఆంధ్రప్రదేశ్‌ని తట్టిలేపుతున్నాను అన్నారు జనసేన అధినేత పవన్ కళ్యాణ్. దెందులూరు నియోజకవర్గం నాయకులు, వీర మహిళలతో మాట్లాడిన పవన్ కళ్యాణ్.. తన భార్య పిల్లల గురించి చెప్పి ఎమోషనల్ అయ్యారు. పవన్ కళ్యాణ్ మాట్లాడుతూ.. ‘నేను చనిపోవడానికి సిద్ధంగా ఉన్నాను.. ఈ మాట నేను మీకు సరదాకి చెప్పడం లేదు.. ప్రతి రోజూ ఇంట్లో నుంచి బయటకు వస్తే.. మళ్లీ ఇంటికి వెళ్తానో లేదో కూడా తెలియదు. నాకు అవసరం కూడా లేదు. నా బాధ మీ గురించే ప్రజల గురించే. కోట్ల మంది ప్రజలు ఉదాశీనతలో కూరుకుని పోయారు. బయటకు రాలేకపోతున్నారు. 30 వేల మంది ఆడపిల్లలు మిస్ అయితే అది మన సమస్య కాదు.. పోలీస్‌లకు చెప్తే పట్టించుకోరు. వీళ్లకి చెప్తే అది మా కులం వాడు కాదు సార్ అని అంటారు. మనిషి సమస్యని పట్టించుకోవడం మానేశాం మనం.

ఏది బాగుంది? ఎవరు ఎవరితో తిరుగుతున్నారు? ఎవరు ఎవరితో పడుకున్నారు? ఎవరు గంట మాట్లాడారు.. మనకి ఇవే కావాలి. అందుకే మనం నాశనం అయిపోతున్నాం. ఇలాంటి టైంలో నా లాంటి వాడు జనం సమస్యల గురించి మాట్లాడితే.. జగన్ లాంటి జలగకి కోపం ఉంటుంది. అతనికి కష్టంగా ఉంటుంది. అందుకు కిరాయి మూకల్ని దింపుతాడు. జగన్ అనే వాడికి తెలియనిది ఏంటంటే.. ఎంతసేపూ ఫ్యాక్షన్ గొడవల్నే చూశాడు. విప్లవకారుడితో గొడవ పెట్టుకోలేదు. త్వరలో తెలుసుకుంటాడు.

విప్లవకారుడికి ఆశలేం ఉండవు.. ఒక్క మార్పు తప్ప. సమాచాన్ని తట్టి లేపడం తప్ప. మీరు ఇచ్చే మద్దతు పవన్ కళ్యాణ్‌‌కి అనుకోకండి. మీకు మీరు మద్దతు ఇచ్చుకుంటున్నారు. మీ బిడ్డల్ని మీరు సంరక్షించుకుంటున్నారు. ఒక ఇల్లు అద్దెకు ఇవ్వాలంటే.. మీకు అబ్బాయిలు ఉన్నారా? అని అడుగుతారు. కానీ.. ఇప్పుడు పదేసి మంది యువకులు ఇళ్లలోకి వచ్చేస్తున్నారు. అలా వస్తే ఇబ్బంది కాదా? వాళ్లకి వేరే ఉపాది అవకాశాలు కల్పించవచ్చు కదా.

ఇదంతా మీకు ఎందుకు చెప్తున్నానంటే.. ఇప్పుడైనా మీరు మేల్కొనకపోతే మీ భవిష్యత్‌కే నష్టం. నేను డిసైడ్ అయ్యాను.. ఫైట్ చేయడానికి రెడీ అయ్యాను. అది కష్టం అని తెలుసు. నాకూ పిల్లలు ఉన్నారు.. వీళ్లు అనే మాటలకు నా భార్య కూడా ఏడుస్తుంది. నా భార్య ఎందుకు ఏడ్వకుండా ఎందుకు ఉంటుంది. కానీ నేను సర్దిచెప్పుకుని ముందుకు వెళ్తున్నా. నేను బాధ్యత తీసుకున్నా.. వెనక్కి రాలేనని నా భార్యతో చెప్పాను. అలా చెప్పినప్పుడు నా భార్య ఏడ్వకుండా ఉంటుందా? ఖచ్చితంగా ఏడుస్తుంది.

మొన్న కూడా నా భార్యకి అదే చెప్పాను.. ఇక తప్పదు నేను వెళ్లాల్సిందే.. ఉంటే ఉంటాను పోతే పోతాను.. నా వల్ల నువ్వు మాట పడుతున్నందుకు క్షమించు అని అన్నాను. ఇదే అడిగాను.. అంతకు మించి నేను నా భార్యని ఏమీ అడగలేదు. ఇదొక్కటే అడిగాను. జగన్ గారి ఫ్యామిలీని మనం ఏమీ అనకూడదు. వాళ్ల మేడమ్‌ని మేడమ్ అనే అనాలి.. వాళ్లు మాత్రం మనల్ని ఏమైనా అనొచ్చు. ఇది మన సంస్కారం’ అంటూ తన భార్య గురించి చెప్పుకొచ్చారు పవన్ కళ్యాణ్.