వందమందితో డేటింగ్ చేయాలని,,,,యువతికి బంపరాఫర్ ఇచ్చిన తల్లి

ప్రేమ, రిలేషన్‌షిప్‌లో ఉన్నాం అని ఎవరైనా పిల్లలు చెబితే చాలా మంది తల్లిదండ్రులు అగ్గిమీద గుగ్గిలం అవుతారు. కొట్టడం, తిట్టడం, ఇంట్లో నుంచి గెంటేయడం ఇలా రోజుకో రకరకాల సంఘటనలు చూస్తూనే ఉన్నాం. లవ్, లవ్ మ్యారేజ్‌కు వ్యతిరేకంగా ఉండేవారు ఈ కాలంలోనూ చాలా మంది ఉన్నారు. అయితే అబ్బాయిలతో జాగ్రత్త అని అమ్మాయిలకు.. అమ్మాయిలతో జాగ్రత్త అని అబ్బాయిలకు పేరెంట్స్ చెప్తూ ఉంటారు. అయితే ఓ తల్లి మాత్రం.. తన కూతుర్ని అందరిలా కాకుండా వేరే విధంగా ట్రీట్ చేసింది. అబ్బాయిలతో డేటింగ్ చేయమని.. బంపరాఫర్ కూడా ఇచ్చేసింది. వంద మంది అబ్బాయిలతో డేటింగ్ చేయమని.. ఆ విధంగా చేస్తే ఏకంగా 500 డాలర్లు ఇస్తానని కూడా చెప్పింది. దీంతో ఆ యువతి కేవలం ఏడాదిలోనే 100 మందితో డేటింగ్ చేసి ఔరా అనిపించింది. ఈ వార్త విన్నవారందరూ ప్రస్తుతం ముక్కుమీద వేలేసుకుంటున్నారు.

ఈ సంఘటన బ్రిటన్‌లో జరిగింది. ఒక తల్లి తన కూతురికి ఎవరూ ఇవ్వని ఆఫర్ ఇచ్చింది. వంద మందితో డేటింగ్ చేయాలని సూచించింది. ఒక వేళ తన కుమార్తె గనక వంద మందితో డేటింగ్ చేస్తే ఖర్చుల కోసం 500 డాలర్లు ఇస్తానని తెలిపింది. దీంతో ఆ యువతికి అడ్డే లేకుండా పోయింది. దీంతో తన అందంతో యువకులకు గాలం వేసింది. ఏకంగా ఒకే సంవత్సరంలో 100 మంది బాయ్‌ఫ్రెండ్స్‌ను మార్చేసింది. దీంతో చివరికి తన తల్లి ఇస్తానన్న 500 డాలర్లను కూడా సొంతం చేసుకుంది. అయితే ఈ విషయాన్ని ఆ యువతి సోదరి ఎలిస్ కేరొలీన్ టిక్‌టాక్‌లో వెల్లడించింది. దీంతో ఇది కాస్త సోషల్ మీడియాలో తెగ వైరల్‌గా మారింది.

చివరికి తాను చెప్పిన ప్రకారం టాస్క్‌ను విజయవంతంగా పూర్తి చేసినందుకు ఆ తల్లి తన కుమార్తెకు భారీ వేడుక నిర్వహించింది. ఓ కేక్‌ను తీసుకువచ్చి కుమార్తెతో కట్ చేయించింది. వంద మంది బాయ్‌ఫ్రెండ్స్‌‌ను మార్చినందుకు గుర్తుగా ఆ కేక్‌పై 100 నంబర్ క్యాండిల్‌ను కూడా ఉంచింది. అయితే ఆ సెలబ్రేషన్స్‌కు వచ్చిన వాళ్లందరూ కుమార్తెను అలా ఎందుకు పురమాయించిందని ప్రశ్నల మీద ప్రశ్నలు వేశారు. దీంతో అసలు విషయాన్ని అందరి ముందు ఆ తల్లి వెల్లడించింది. తన కుమార్తె ఎవరికీ భయపడకూడదని.. అందుకే సమాజంలో ఉన్న పురుషుల పట్ల భయం గానీ అనుమానాలు ఉండకూడదని భావించి ఇలాంటి నిర్ణయం తీసుకున్నట్లు చెప్పింది. దీంతో వారంతా ఒక్కసారిగా అవాక్కయ్యారు. ఈ విషయం తెలిసిన కొంత మంది నెటిజన్లు పాజిటివ్‌గా రియాక్ట్ అవుతుండగా.. మరికొందరు మాత్రం ఇదేం పిచ్చిరా బాబు అని తలలు పట్టుకుంటున్నారు.