తిరుపతి వెళ్లే ప్రయాణికులకు అలర్ట్,,,ఈ నెల 15వ తేదీ వరకు పలు రైళ్లు రద్దు

రైల్వే ప్రయాణికులకు దక్షిణ మధ్య రైల్వే కీలక సూచనలు జారీ చేసింది. అభివృద్ధి పనుల కారణంగా పలు రైళ్లను ఈ నెల 15వ తేదీ వరకు రద్దు చేస్తున్నట్లు స్పష్టం చేసింది. 10వ తేదీ నుంచి 15వ తేదీ వరకు ఏపీలోని విజయవాడ డివిజన్‌ పరిధిలోని మనుబోలు-గూడురు మూడో లైన్ నాన్ ఇంటర్ లాకింక్ పనుల దృష్ట్యా పలు రైళ్లను రద్దు చేశారు. ఇక మరికొన్ని రైళ్లను దారి మళ్లించనున్నట్లు సౌత్ సెంట్రల్ రైల్వే వెల్లడించింది. రద్దు చేసిన వాటిల్లో వివిధ ప్రాంతాల నుంచి తిరుపతికి వెళ్లే ట్రైన్లు కూడా ఉన్నాయి.

తిరుపతి-కాకినాడ టౌన్(17249), కాకినాడ టౌన్-తిరుపతి(17250) రైళ్లను 10వ తేదీ నుంచి 15వ తేదీ వరకు రద్దు చేయగా.. తిరుపతి-విశాఖపట్నం(22708) ట్రైన్‌ను 9,11,13వ తేదీలలో, విశాఖపట్నం-తిరుపతి(22707) రైలును 10,12,14వ తేదీలలో రద్దు చేశారు. ఇక సుళ్లూరుపేట-నెల్లూరు(06745), నెల్లూరు-సుళ్లూరుపేట(06746), సుళ్లూరుపేట-నెల్లూరు(06747), నెల్లూరు-సుళ్లూరుపేట(06748), గూడూరు-సుళ్లూరుపేట(06750), సూళ్లూరుపేట-నెల్లూరు(06751), విజయవాడ-గూడూరు(07500), గూడూరు-విజయవాడ(07458), గూడురు-రేణిగుంట(07666), రేణిగుంట-గూడూరు(07667) ట్రైన్లను 10వ తేదీ నుంచి 15వ తేదీ వరకు రద్దు చేస్తున్నట్లు పేర్కొన్నారు.

ఇక మచిలీపట్నం-ధర్మవరం(07095) రైలును 11,13,14వ తేదీలలో, ధర్మవరం-మచిలీపట్నం(07096) ట్రైన్‌ను 12,12,15వ తేదీలలో రద్దు చేశారు. అలాగే విజయవాడ-గూడురు(17260), గూడూరు-విజయవాడ(17259), చెన్నై సెంట్రల్-విజయవాడ(12077), విజయవాడ-చెన్నై సెంట్రల్(12078), విజయవాడ-చెన్నై సెంట్రల్(12711), చెన్నై సెంట్రల్-విజయవాడ(12712), నర్సాపూర్-ధర్మవరం(17247), ధర్మవరం-నర్సాపూర్(117248) రైళ్లను 10వ తేదీ నుంచి 16వ తేదీ వరకు రద్దు చేస్తున్నట్లు తెలిపారు. ఇక బిట్రగుంట-చెన్నై సెంట్రల్(17237), చెన్నై సెంట్రల్-బిట్రగుంట(17238) ట్రైన్లను 15వ తేదీ వరకు, విశాఖపట్నం-చెన్నై సెంట్రల్(22869) రైలును 14వ తేదీన, చెన్నై సెంట్రల్-విశాఖపట్నం(22870) ట్రైన్‌ను 15న రద్దు చేసినట్లు దక్షిణ మధ్య రైల్వే అధికారులు తెలిపారు. ప్రయాణికులు సహకరించాలని అధికారులు సూచించారు.